..!! بــعْـــدك صـغــيـّـر !!..

بَعْدك صغيّر .. وغَضّ العود .. ومدلل=
توّك على الجرح ..خَلّك تكبر إشويّـه=
والا أنا (خاطـري مليـان ومفلـل )=
نسبـة جـروح الهـوى مليـون %=
أخـاف لـو شفتنـي تغـرق وتتبلـل=
وتموت موتة شهيد إن طحت بإيديّـه=
معذور مـن حبّنـي يسهـر ويتعلـل=
ويشوفنـي فالمنـام أحـلام ورديّـه=
وإن غبت ساعة زمن يطفش ويتملـل=
يبقى على حَرّ جمـره ناطـر الجيّـه=
وإن شاقه الشـوق يتجمهـر ويتسلـل=
على خطوط(ن) حُمُرْ..وأملاك محميّه=
ماألوم مـن ينصهـر قلبـه ويتحلـل=
لاصار مفتون بي.. والـروح مبليّـه=
حتى أنـا أشوفنـي خـوّاف ومذلـل=
ولا أقـدر أحـطّ عينـيّـه بعينـيّـه=
لولا قِزَاز المناظـر صَلْـب ومظلـل=
ردّيت نظرات عينـي عنـد رجليّـه=
أقول بـس عـاد لايكثـر ..ويتقلـل=
مغرور ..وأحبّني..وأموت أنـا فيّـه=
**