سلام ياغلى وطن

هذه القصيدة كانت في اليومالوطني للمملكة ونشرت في بعض الصحف المحليه وبعض المواقع الألكترونيه:

((((سلام ياغلى وطن))))

سلام يامهبط الوحي السماوي سلام=سلام ياقبلة الإسلام ياغلى وطن
اليوم يوم الوطن ويزين فيه الكلام=يامملكتنا فداك الروح وأغلى ثمن
محبتك يابلادي فوق صدري وسام=ياطير بافراحنا بالعيد غرّد وغنّ
حنا جنود الملك وعيوننا ماتنام=نرد كيد العدو من شام وإلا يمن
آل السعود أصلهم معروف ناسُ كرام=في حكمهم شعبنا عايش ب أمان وأمن
بومتعب يقودنا ونعم بنسل الإمام=والشعب راضي بحكمه مهما طال الزمن
من حبّنا واحترمنا بشّره بالسلام=ومن تعدى ففي وجهه سيوفً تسنّ
تجدد أعيادنا فوق الثمانين عام=والحمد الله لا فتنه ولا به مِحن
في مكة البيت والكعبه وباب السلام=وطيبه فيها المزار وهي خيار المدن
فروضنا فالمساجد كلّ يومً تُقام=شريعة الله نطبقها ولا به وهن
قلوبنا واحده عالدين دون إنقسام=وديننا يوصي المسلم بقولً حسن
في العلم كلمة التوحيد وايا الحسام=وغيرنا صارت أعلامه لشعبه كفن
يالله ياللي عيونه ساهره ماتنام=تحمي البلد من تخلات الزمن والفتن
وفي النهايه عسانا دايماً مانظام=وفداك روحي ومانملكه ياغلى وطن