رشني من عطرك البارد شويّه ،،، نوره الغامدي

المشاركة الأصلية كتبت بواسطة نوره الغامدي

ناضت بروق السحاب وبشرتنا بخير=مستغربه يا إلهي من هطول المطر
ماهو من اليأس ،،، خير الله علينا كثير=لكنّ عهدي بشوفه قبل عيد الفطر
يومي صغيرة ولكن قلبي أبيض كبير=أضحك وأرش السوالف مثل رشة عطر
واليوم من بعد تسع شهور قلبي صغير=ممنوعه آشوفك أنت وشوفتي لك خطر
مير السؤال المحيّر وش حصل يا أمير؟=ليش الليالي عجاف وشرّها مستطر
تصدّق إني ليا من قلت بيت(ن) خطير=واسمي بغيت أورده في شطر واسمك شطر
ألقاك حاضر في أول بيت وأنا الأخير=وأكتب على سطر من فرقاك وأترك سطر
صورة جمالية أبدعها الفراق المرير=بكت لها كل عين وكل قلب أنفطر
ياغيمة الصيف كم عذبتي أرض الهجير=وكلما جفت أغرقها هطول المطر

مرحبا

الشاعره المبدعه
نوره
إبداع وإمتاع
وابيات مليئة بالجمال
بوركت
صح بوحك
وسلمت روحك
مع وافر التقدير