قصيده غيرررررررر أعجبتني حييييييل

مايفيد العتاب ولايفيد الملام ....................مابقى غير صمتي يمكن أنه يفيد
كل مره تقول اليوم مابه خصام.......................وبآخراليوم تلقى كل منا وحيد
صار يومي ويومك من صدام إلصدام................ونارصدري وصدرك من وقيد لوقيد
نصبح الصبح وألقى كل حاجه تمام..............ويمشي الوقت رايق وأطلب الله المزيد
ثم فجأه تصير الدار ساحة سهام ..................وكل واحد يصوّب صاحبه من بعيد

نوب أحس السهام تصيبني في العظام..........ونوب أحس السهام تصيبني بالوريد


ترفع الصوت وأطلب منك بعض احترام..........والغريبه تعود وترفعه من جديد
دوم نضحك ونختم ضحكنا بالشتام...............ودوم نحكي ونختم حكينا بالوعيد
ودوم تحطيم قلبي قبل وقت المنام................وماتهنى بنومك غير لما تكيد
ودوم أنا من يراضي لجل يبقى غرام ..........ولو يضيع الوداد إبرايك!ايش نستفيد


حتى لاجيت أسلم ماترد السلام................ الله أكبر عليك إشلون رأسك عنيد
يشهد الله تعبت أمشي بدرب الظلام............درب موحش وأشوف الموت به شئ أكيد
كل كلمه برأسي قلتها بالملام...............ومابقى غير صمت الظاهر انه يفيد
خلني ساكت أزين وش يفيد الكلام........دام لاقلت كلمه هالمشاكل تزيد

للشاعر المبدع:احمد الحريقي@



انشاء الله تحوز على رضاكم..وياهلا فيكم عندك ابداع +ذكريات+فضفضه+شعر+حـــش آوه آسفين نمزح
+كل اللي يخطر في بالك القهوه موجوده والحلى عليــــــــــــك حياكم الله