سؤال للنساء جوابه صاعقة على الرجال .

سؤال للنساء جوابه صاعقة على الرجال .
لو خيّروك إما يموت زوجك أو يـتزوّج عليك فماذا تخـتارين ؟
هذا السؤال طرح في منتدى نسائي ، وقد صُعِقت من إجابات الحريم عليه فكُـلّهن أجمعن على جواب واحد وأمنية واحدة ، فعلاً نذاااااله ( معذرة الكلمة الأخيرة مكتوبة كما هي وليست مني فأنا نقلت الموضوع من منتدى غير نسائي برمته دون تعديل أو تحريف ، فأنا والله العظيم لا أدخل على المنتديات النسائية مطلقاً ) .
المشاركة الأولى : يموت وأدعي له ولا يـتزوّج عليّ وأدعي عليه .
المشاركة الثانية : خله يموت لأن الموت حق بس إنه يـتزوّج عليّ لالالالالالالالا فأنا بصراحة أخاف يـتزوّج ويدلّع زوجته الجديدة وبصراحة دائماً أقول أكون أرملة ولا أكون مطلقة .
المشاركة الثالثة : والله كل الإثنين صعبات بس الموت له أسهل عندي والله !! فحنا يا الحريم بالنقطة هذي تصير عقولنا صغيرة بس غصب غصب عنا .
المشاركة الرابعة : يموت وأنا أموت وإن شاء الله ربي يرزقنا الجنة ويكون زوجي فيها وأكون زوجته فيها !! أما لو تـزوّج عليّ فراح أتطلّق وخلاص بـتـنـتهي علاقـتي فيه وقـلـبي بـيـنحرق وبأموت من الحزن والهم .
المشاركة الخامسة : للأسف عشاني أحبه أبخـتار له الموت بعيد الشر عنه !!
المشاركة السادسة : يموت وأبكي من حزن فرقاه ولا يـتـزوّج وأبكي قهر منه !!
المشاركة السابعة : الموت حق وكلّنا بنموت .. بعدين الدنيا كلها فـتـن وش يـبـي بها !!
المشاركة الثامنة : والله يقولون أرملة ولا يقولون أعرس زوجها عليها !! ويموت وأنا أحبه وهو يحبّني ولا يعرس عليّ وينساني ، ويا جعله يعاف الحريم كلهم إلا أنا !!
المشاركة التاسعة : لا ، يموت هو أحسن ولا أموت أنا من الحرّة !!
المشاركة العاشرة : الله يغفر له ويرحمه .. المقبرة قريبة !!
المشاركة الحادية عشر : طبعاً أتمنى له الموت على الأقل بأحط رأسي على المخدة وأنام عارفة أنه في حضن القبر ما هو في حضن حرمة ثانية !!
المشاركة الثانية عشر : أنا أقول يـتـزوّج بشرط .. يعني يحط لي فيلا دورين وأفرشها من جديد وسواق وشغالـتـيـن ومصروف شهري ورضاوة طقم ذهب أبو 50 ألف تروني مررررة قنوعة وأدرّس عيالي بمدارس أنترناشيونال وما أبغى أشوف رقعة وجهه أبد يجي لعياله بس وبعد ما يحقق لي طلباتي أدعي عليه بالموت !!!
المشاركة الثالثة عشر : يموت أرحم من إني أشوفه مع غيري !!
المشاركة الرابعة عشر : إلا الله يستر عليه يتوكل على الله ويمووووت ولا يموّتـني وأنا حيّة !!
المشاركة الخامسة عشر : يموت أريح .. أصلاً وجوده مثل عدمه !!
المشاركة السادسة عشر : لا بالله يموت أحسن ولو ما مات أحرقه هو وزوجته بسيارته بـبـنـزين أو أسيد وعساه يـبرد قـلـبي !!
المشاركة السابعة عشر : يموت ولا يـتـزوّج عليّ .
المشاركة الثامنة عشر : لا طبعاً أرملة ولا مطلقة لأنه لو تـزوّج عليّ ماني جالسة معه هو ووجهه !
المشاركة التاسعة عشر : جنااااااازة ولا جواااااازة ، أما يـتـزوّج عليّ لا والله ما أقبلها .. وبعدين هو في كل الحالـتـين بـيـصير في نظري ميت ، على الأقل إذا ربي أخذ عمره بأدعي له وأتصدق عن روحه إن شاء الله .. يعني بـيـفارقـني وأنا أحبه ، أما إذا تـزوّج عليّ فهو بـيـموت من قـلبـي وعقلي وبأدعي عليه طول عمري حتى لو دعوتي مو مستجابة يعني بـيـفارقني وأنا أكرهه !!!
طبعاً أنا نقلتها لكم كما هي دون تعديل أو تحريف لا إملائياً ولا لغوياً .
اللهم يا كافي ما هذا الحقد الدفـين على الزوج عندما يـتـزوّج بالثانية .