مساءك خير يــــا ............ من و إلى قلبي

مساءك خير يا قلب(ن) تعشَّـم في حبيبه خير
مساءك خير يا طيِّـب يموت الشر من خيرَه

وفيت و لا غديت الاَّ مثل منهو نفخ في الكير
يسوِّي قد ما يسوِّي ينوبه ايش من كيرَه؟

مساءك غير يا عالم... أحسه في زمنَّا غير
عديـم الحظ من عاشه و راح يـدوِّر لـغيره

مساءك يا تهامي الدم مساء النصر و التحرير
بعَـد سجن الغلا احساسك أخيراً نال تحريره

تحرّر من غلا الأوهام و توب و جدد التطهير
تعوَّذ من شعور ابليس خلاص و فضَّها سيره

تعال توسَّــد صمودي و خلينا نكمِّـل سير
على الله .. وكل جرح يطيب (بلا حب و بلا غيره)

تراك اجرمت في حقي و اظن الجرح ذا تكفير
أقلك حب (أبوي وبس) تقوم تحب لي غيرَه!!!!

كثير اللي يلاقي الماس و لكن بايعينه كثير
و لا يشريه غير اللي عرف وش يعني تقديره

يا الله عاد افردها .....مو لايق لك التكشير
خلّك يا جبل صامد و (عـِـدّ) المسأله خيـــرَه


اقلك شي في اذنك ؟ ياقلبي ما تشوف الطير؟
يطير يفلَّـها ما قال رزقي كيف تيسيــره

و اذا عشَّـك سطابه الغير ترى باقي الحياه بخير
ولو ماهو بهالديره نهاجر غير هالديره


كلمات / وصايف تهامية

الخميس : 27/6/1428هـ (الواحده صباحا)