جنــــــون

من جنونه في جنوني والجنون اثره اجنون=جن عقلي من جنونه لين صرحت ابجنوني
اشهد ان القلب صادق يوم صدق بالظنون=كنت اكذب ثم اصدق ثم اكذب في ظنوني
غير من شفت ان قلبي والحنايا يرجفون=والمشاعر والجوارح كل يوم ينشدوني
اقتنعت اني احبه وان قلبي له حنون=واقتنعت اني متيم كيف اعاند به شجوني
واقتنعت ان المشاعر بيننا يتواصلون=مثل ما اتعب لوحدي هي بعد تتعب بدوني
واننا في جو ثاني ليتهم بس يفهمون=ليت ها العالم تقدر بس هم ما يفهموني
الغموض الي رسمها كنها لوحة فنون=اسعدة ناسٍ كثيره نوظت فيني طعوني
يشهد الخافق وتشهد نظرةٍ تحت الجفون=اتعبت قلبي بكلمه واتعبت منها عيوني
كم قعدت اليل اعاند والسهر اظنى العيون=كلما انسى دقيقه تنتفض حتى جفوني
ما تهوني يا حياتي والمشاعر ما تهون=حبك اصبح في كياني لو جميع الناس دوني
اكتبوا بالله وصاتي واعلموها ما يكون=لو يطول البعد عنها فانسجوا بالله كفوني
يا الهي انت وحدك من يعين المتعبون=اعطها يارب عمرا لو اخذته من سنوني