سنه حلوه

ياروحي العام روح ولهوى باقي=في داخلي كنه النيران شبابه
مرت سنه والوفا شيمه ومصداقي=على الوفا يا حياتي واتحلى به
اثنا عشر شهرر ياروحي وانا اشتاقي=وانتي تصدين روحٍ فيك طلابه
قلبي ينادي وحرفي فيك ينساقي=وانتي ولا انتي هنا واظروف غلابه
وش عندك اكثر من التجريح لشواقي=وش عندك اكثر من التعذيب با هدا به
جروحك الشوك فيني وانتي الساقي=واحروفك الي تزيد الشوك صلاّبه
مدري وش الي رماني فيك وش لاقي=وش هيم القلب في حبك وش اسبابه
صدك وردك ترى بالروح حراقي=طعون حبك بقلبي تقطع اجنابه
مليت الايام والروتين واشفاقي=اشوف الأيام تتساوى وتتشابه
وقلت يمكن صفى وقتي وينطاقي=العام توه جديد او ما طلع نابه
اقدم الدعوه وايدي بيدك اتلاقي=ونطوي البعد والاخلاص نبدا به
واعانقك ياحياتي بالهوى اعناقي=ونعلن الحب بعد الصد واعذابه
هذي قصيده خصوصيه من اعماقي=توصلك وان كان ماجت جبت طلابه
و اجيك للبيت واقول هاك معلاقي=يا تقبله يا نعود فيك سبابه