همسة أولى : 100 احتمال !! ( نزوة قديمة )

صح لسانك ولافض فوك ياعنزي قصيده قويه ورائعه

	مخملي الخد فارع ضارب ٍ فـي الأرض طولـه= أعشبت منه الدفاتر وأطربت ذيـك الهبايـب= += فرصة للشعر يبدع لا امتطى الهاجس ذلولـه= وأرعدت بالجوف ونه وأبرقت دمعات هايـب= += هادي ٍ ذرب ٍ وقور ٍ سمـح يبتـز الرجولـه= انتهازي ٍ سلبنـي ثقـل طبعـي بالغصايـب= += به جراءه بـه بـراءه وإن تغافلنـي هطولـه= عشت بأحلام السحاب أرباح زعلة حلو غايب= += سلسبيله مستحيله وإن جفا اللحظه رسولـه= كان هاجس لحظتينه يا ضما الترحـال نايـب= += للسوالف فيه حلم وللعواطـف فيـه جولـه= يستلذ اطراق طرفه ألويـة شـوق وكتايـب= += يا الجمود ويا البرود ويا الصدود ويا البطولـه= بانتهاكه وامتلاكه خافـق ٍ ضـلَ الطلايـب= += من شكوكه ألف شوكه داعبت لحظة حلولـه= واستبـدت بالمشاعـر وأغرقتهـا بالنوايـب= += عبر أثير الشعر أتوج صهللة عشقـه وأقولـه= واستغل إلهام طيفه وأوصفه وصف الغرايـب= += ناثر الليـل المخصـر ثوبـه وفتـان زولـه= من تهجته الحنايـا والحشـا ملتـاع ذايـب= += دبلوماسي التأفف والتفلسـف مـن ميولـه= والعبث لعبة فتونه والغنج دفـع الضرايـب= += يافع النظره بعينه مهلكة مـن طـاف حولـه= ذلة عيون ٍ تذوق الذل من ذيـك الذوايـب= += كافر الخطوه مجيد الثقل مـن طبـع الحمولـه= جعت واشفاته شهدها برد عنـاب ولهايـب= += همت بأسبـاب إلتفاتـه وإلتفاتاتـه كسولـه= وأبلشتني سلهماته تودع الـروح النشايـب= += جادله ليلة خميس وضحكتـه عفـه سهولـه= منطقه كبر وتمادي منهجـه ظلـم الحبايـب= += مؤتمر شوق بشفاه وفي عيونه حكـم دولـه= وخصر مجنون يتمختر يختصر سكرات شايـب= += للنهد 100 احتمـال يهـز وتغـرد طبولـه= واستلذ إغفاء صمتي وألثم ابروق السحايـب= += آه يا حلم الخريف العذب يا عمـر الطفولـه= آه يا مربع حلاه الفـذ يـا حلـو السبايـب= += مهرتي الوجلى المطيعه والوديعـه والخجولـه= فيض بركان الظنون وهقوة ٍ فيهـا العجايـب= += الملابس تحتمي به والذهـب عانـق جفولـه= واحترافه للدلع والطيـش سوابـي مصايـب= += أذكر الله يا كحيل عيون يـا مثقـل حمولـه= عاشقك ضاق بخياله والرجا بالعمـر خايـب= += يقطعه هالدرب الأقسى مـا تهيالـي بطولـه= لا احتضنها بعض حلم ولا ارتمي بين الهبايـب=