شاهد السرعة الحقيقة لاتصالك

اقول هدوا السرعه ياشباب في تفتيش قدام وقبله رادار

بالنسبه لي السرعه 40 ومستانس مره لانها اول مره توصل الى 40 بالعاده بين 30 و 20

السبب لان المدينه اللي انا عايش فيها خطوط الهاتف قديمه وتقول الشركه انها راح تطور الخطوط فيها على شان اشتراك dsl

وهذا انا كل يوم وانا هواش معهم على شان dsl المشكله ان ال dsl ماهو شغال الا في حي واحد بس وهذا الحي من لم تصله خطوط الهاتف الثابت الا قبل 3 سنوات لذلك عندهم الخدمه هذي

الحي هذا لازال الاطفال فيه يلعبون ( تيل ) وتشوفهم العصريات يتمشون ب ( نبيطاتهم ) وعلى ما اعتقد توها تدخل عندهم لعبة كمبيوتر العائله كل بيت فيه بجنبه حوش غنم وبيت شعر اذا جاء الشتاء سكنوا في بيت الشعر وفي الصيف داخل بيوتهم زعلانين لان شركة الهاتف راح تلغي البياجر في المملكه

وفي الاخير هواتفهم فيها اشتراك dsl والحي اللي ساكن فيه مافيه dsl

صدق من قال ( يعطى الحلق للي ماله اذان )


الله يهنيهم وعقبال ماتشتغل الخدمه هذي في حينا

اسف على الاطاله لكن حبيت اوريكم معاناة اعيشها مع الانترنت