لغز لشعراء المنتدى ؟؟؟

بسم الله الرحمن الرحيم
الحمد لله وحده والصلاة والسلام على نبينا محمد وعلى اله وصحبه أجمعين . ثم أما بعد

هذه قصيده وهي على شكل لغز
فأقول
أنا ما علمتكم عن بنت ما الله مثلها خلق
وأسمها يكفيك لما تسمعه عن زينها وحلاها
وفي أحسن صورةً ربي خلقها لو تشوفها
والوفاء والزين والاخلاص فيها والفقر ميزتها
والحلى والطيب فيها والجمال وقمة الاخلاق
جت لزارع مزرعه وتقول عطشانه رويت وأقفت
وأصبح الزراع يتبعها ويطلبها من أهلها
شافه الحارس وقال اولا بها أنا منك بتزوجها
والقاضي لما عرف قال اني أولا منكم الاثنين
لما شافتهم ثلاثه خلفها راحت تنادي الحاكم
والحاكم من شدة إعجابه طلب يدها وحبها
هربت منهم وسارو خلف هذي البت خطوه خطوه
خرجت عن طورها من ضيقها حتى ارتمت في بير
وإلي يوقف حول هذه البير تطلب منه يأخذ يدها
ويمد ايده لها ويطيح معها من جمالها
.................................................. ...............
وسلامتكم جميعاً
تقبلو تحيات
أخوكم بدر البدور

صح لسانك يابدر البدور واسمح لي بهذا الرد المتواضع مع حل اللغز
وان كان انه غلط فاانا اجتهدت ولا يلام المرء بعد اجتهاده

الرد:علي السبيه=
.=
هذه البنت اسمها الدنيا ولا فيها ولا خُلق=
غرت القلب الخلي تلبس له اجرام الذهب واحُلاها=
والينابيع التي ماتروي الضامي نشوفها=
رمزها ماله ولا عنوان ثابت يلفق ارميزتها=
لو تتصور لك في اجمل شكل والا قمة الاخلاق=
اللعينه اللي على باب الجحيم ارست خُطاها واقفت=
من يطاوعها يشبه باالضماء الحارق منهلها=
في دهاليز المتاهه لا تتل الروح واتزوجها=
الله ياقرب المسافه بين يوم السبت والاثنين=
يارجال الدين ماهو في قصار اثيابكم والحاكم=
والمزارع تختلف كلن غدت تنتج بحبها=
والبنت المذكوره للغاوي تجيد الرقص خطوه خطوه=
طاحت في حضن الغشيم ولا تونت وارتمت في بير=
شرّها ماله مثيل وحقدها بين الخلايق يدها=
والله ياكم غرّت اصحاب القوافل من جمالها=

علي السبيه
صح لسانك يالغالي
وراح نتابع معى شعراء آخرين لنرى الحل الصحيح بأخر المطاف
ولك مني جزيل الشكر والتقدير
أخوك بدر البدور

صح لسانك يابدر البدور إسم على مسمى شاعر كبير ورائع ومبدع قصيدة رائعة ولغز رائع

أبو طلال
لايختلف إثنان على أنك شاعر كبير كبير وداهية تعرف كيف تحوف القوارع والقصائد والشقور العجيبة

الحل انا اميل الى حلك واعتقد انه هو الصحيح لكن حسب رغبة الشاعر ننتظر

صقر الجنوب
عسى عمرك طويل
وعساك على القوه
وشرفتنا بمرورك يالغالي
تسلم وتقبل تحيات اخوك بدر البدور