مطاعم راقية في جده

+
زحمة حكي ..

مطاعم جدة الي جربتها وتعجبني ..
أكل + جلسات

1-
الايطالي عندكم " مطعم بلامول التحلية الي فيه ستار بكس "
بالدور الثالث تطلعون له عن طريق المصاعد
مررره أكله يمي والجلسة رايقة وهادية والأهم نحسون بلذة الاكل الايطالي هناك
أجواء المطعم وديكوراته تحسسكم كأنكم بالبيت
منقسمين لقسمين كنب + طاولات ,
أحب هالستايل من المطاعم يعطيك الفه أكثر
واسعار حلوة برضوو ..
عموما أسمه صعب ونسيته بس مافي غيره


2-
كوفي أروما أروح وارجع له هالمطعم ..
أحلى وقت تجون تتغدون فيه العصر يكون لاهو زحمه ولا فاضي
أكلهم لذيذ مررره أنواع الباستا والبيتزا والسلط والساندويتشات ..
موقعة بالحمرا مقابل للبحر ,


3-
بلسميكو
أعشق جلسته وهدوء هالمطعم له فرعين بالتحلية مقابل للدانوب
وجمب أوتيل الرمال وفرع ثاني بطريق الملك ..
للامانه ماقد جربت وما اروح الا الي بالتحلية لانه قريب من بيتي مره
وأروق كأجواء ..
حتى اغلب الي يجونه أجانب ، أكلهم ايطالي ومكس


4-
مطعم حلواني بالتحلية جمب الفيفا وصيدلية نورا
لبناني ألذ أكل لبناني ممكن تاكلونه بجده بعد النخيل طبعاً ..
بس النخيل يقهرني فيه جلساته خايسه ,


5-
قوديز قبال فدركرز القديم ..
أكل لبناني برضو يمي ونظيييف ،
وميزاته تختارين أكلك من تحت وتطلعين فوق ع بال مايجهزونه لك ..
نفس الي ببيروت ,


6-
تشيلز فرع روشانه قبال الكورة الارضية ..
دايم رايق وفاضي ،


7-
ببلس بالحمرا ع البحر ..
المطعم ينقسم لقسمين شامي وانتر ناشونال ،
كل الاثنين حلووين وجلسته رااااااااااااااااايقة


8-
الانتر كوت ..
عليهم ستيك بيف بيعئئئئئئئئئد
والسلط الي يجي مع الستيك فيها حموضة مجنونة


9-
كوفي بلان جمب الانتر كوت ..
أكله شامي برضو نظيف ورايق وجلسته حلوة
لو كانت غدا الشمس تدخل من كل مكان



10 -
سنسز بس حاليا مسكر ..
بيفتحونه قريب ان شاء الله ،
مكس مابين ايطالي وشامي وبحري ..
اهم شئ اذا رحتي عندهم لازم تطلبين هالاوردرين ..
كرات البطاطس المحشية بالجبنة
والسوفليه تبعهم مجنووووووون أطعم سوفليه


11-
الجبيانو أيطالي ع البحر جمب الفنتايم وبعد دوار الشهادة ..
جلسته رااايقة وأكلهم نظييف .. والسيزر سلط عندهم


-


هذولا الي جو ع بالي حالياً ..
أنجوي ,