يالعن بو ذالحظ

المشاركة الأصلية كتبت بواسطة (((بن هندي)))

تقل ساعات الهناء وتزيد ساعات العذاب=وتصبح أيام السعاده من عذاب الوقت سود
إذا فتحنا باب يغلق حظي الشين ألف باب=يالعن بوذا الحظ عذبني وجعله مايعود
الفكر متحير وراسي من بلاوي الدهر شاب=والعين تشكي دمعها والدمع تشكيه الخدود
نشدت نفسي عن خطاي وإلى متى هذا العقاب=وصبرت لكن مثل ماقد قيل صبري له حدود
اطرد في الدنيا كما اللي لاعطش يطرد سراب=وأقدامي أعياها التعب والنفس فيها الهم يزود
الأهل والأصحاب عابو كلهم والدهر عاب=وكم قريب أهداني الأشواك وأنا اهدي ورود
لو ينفع أتمنى تمنيت أن يعود لي الشباب=من شان أغيرمن معاناتي عسى حظي يجود

وها هو الابداع يعود مجددا لهذا القسم
لله درك لي شرف المصافحه الاولى
دره من درر بن هندي لا تمل قراءتها
تقبل من التحيه أغلاها ودمت بود
ترانيم