الحب يانعلبو جَدّه

هذه القصيده اخر انتاج علي السبيه الغلبان
ان مريتم مشكورين وان طنشتم مشكورين

الحب يانعلبو جَدّه=قطّع قلوب المحبينا
يامر وينهي وله جنده=ولا يفك المساجينا
يختال باامره ومن قدّه=تخضع على امره سلاطينا
يلعب بهجمات مرتدّه=ويقوز لما يبارينا
خذا على اهل الهوى شدّه=ما يخلفون القوانينا
يغدي لبعض العرب غُدّه=يبليه من حين الى حينا
لا قلت صبري وصل حدّه=قال الغرام انت بعدينا
بحره له امواج ممتدّه=يتوه فيه المعدّينا
والى هدي جزره ومدّه=ساق البواخر على المينا
تكفى طلب يابحر جِدّه=على المراسي تودينا
واكتب من الحبر مسودّه=ذكرى بقايا اسامينا
وصلت والروح منهدّه=والزين خايف يعنينا
ماشفت رمشه ولا خدّه=من وصلنا ما تهنينا
قلب الهوى بيحو سدّه=وباح الاسرار للزينا
يازين وعدك لنا بدّه=وسط البحر لا تخلينا
طوف النجاه يالغضي مُدّه=من قبل تغرق امانينا
ما قبل حبك ولا بعده=يجرح وجرحه يداوينا

صح لسانك أخي أبوطلال
أنا أشهد إنك صدقت يالغالي
قصيدة في منتهى الجمال والروعة
لله درك يا شاعرنا الجمييييييييل
لافض فوك.....كلام كلامsafaqah
لك مني خالص الود
آمير الكون

المشاركة الأصلية كتبت بواسطة آميــر الكـونـ

صح لسانك أخي أبوطلال
أنا أشهد إنك صدقت يالغالي
قصيدة في منتهى الجمال والروعة
لله درك يا شاعرنا الجمييييييييل
لافض فوك.....كلام كلامsafaqah
لك مني خالص الود
آمير الكون

صح بدنك ياامير الكون واشكرك جزيل الشكر على تشريفك الغالي وكلامك الطيب