طلت بنيه من الروشان صغيره والحلا فيها

إذا جيت رايح كتر من الفضايح

او إذا جيت رايح كتر من الملايح

حاجه ما تهمك وصي عليها جوز أمك
ست وجاريتين على قلي بيضتين.

الكبير لما يدلع زي الخشب لما يتقلع .

اللي ماله أم حاله يغم.

كنس بيتك ورشُه ما تدري مين يخشوا.

كل حبه مسوسه لها كيال أعور

الخايبه تتعلق بالحبال الدايب.

عقربه في الغار ولا ضره في الدار.

أهري وانكتي يا جاره وأناثابته زي العماره.

يحسدوا الفقير على موتت الجمعه

سكتنا له دخل بحمارووو

ما قدروا على الحمار تشطروا على البردعة

اذا حلقوا لغيرك بل راسك واستنى ..

حمارتك العرجة تغنيك عن سؤال اللئيم

حبيبك يمضغ لك الزلط .. وعدوك يعد لك الغلط

ياماخد القرد على ماله يروح المال ويبقا القردعلى حالو ..

ما تعرف خيري الا لما تجرب غيري ..

دق الطاسه تجيك ألف رقاصه

ابو زيد معروف حتي لو لبسوه خيشة

خشوني لا تنسوني ولعوه الشمعة وشوفوني …

عمياء تحفف لمجنونة تقولها : حواجبك سود ومقرونه ..

تحفف: تعملها حواجبها ..

يامربي ولد الناس يادق المويه في المهراس

يابخت من بكاني وبكا الناس عليا ولا من ضحكني وضحك الناس عليا ..

رضينا بالهم والهم مارضي بينا ..

اذا اتملت العدوة بطلت المروه ..

قالوا متي طلعت القصر : قالوه امس العصر ..

العروسة للعريس والجري للمتاعيس ..

اكلو الملوخية وصاروا افندية ..

سلامتك والهيل والقرنفل قمامتك ..

الحجر من الارض والدم من راسك ..

اخوانك من امك زي الدهب في كمك واخوانك من ابوك : زي القوم لما ينهبوك ..

في كل محضر بالتوب الاخضر ..

باب المجلس يقول لباب السطوح : اللىيجي يجي ..واللى يروح يروح ..

خطبوها اتعززت ..تركوها اتندمت ..

قلبي على ولدي انفطر ..وقلب ولدي على حجر ..

ارضى بقردك لا يجيك اقرد منه ..

الخطبه اذا كبر الولد وصار رجال يعتمد عليه على طول اهله يدورون له على عروسه وحتى البنات متى ماكبرت وصارت ست بيت زوجوها حتى لو عمرها صغيرا

لام من بنتها صغيره ،

وهي تربيها على تحمل المسؤوليه وعلى شغل المطبخ والاحترام والتقدير للكبير والصغير
يبتدو اهل الولد يدورو على عروسه من الاقارب والاصحاب واذا عجبتهم وحده يتفق الاب مع العمده مثلا ...

احياناالعريس مايدري انهم قاعدين يخططون يزوجونه ...

وحتى لو درى مايقدر يرفض طبعا بيوافق وهو راضي ..كان عيب حد يرفض او يعارض كلام ابوه ويرحوا جماعةالعريس هم والعمده ( العريفه ) عند اهل البنت واذا حصل نصيب واتفقوا يجتمع العريس ووالده واقاربه وابو العروسه واقاربها والعمده وينزلون الحرم اذاكانوا من اهل مكه او المدينه يملكون ويشربون زمزم بنية التوفيق ..

ويرجعون للبيت يسوون لهم عشاء بسيط ..

اما اذا كانت الملكه في البيت يوزعون شربيت وحلاوى لوزيه وعسليه ولدو

اوشريك او تلبينه قبل العشا ولا يخفاكم حركات وتباتيك اهل الغربيه في تزيين حلاوة الملكه بشرايط والدانتيل واكياس جذابه .. وكل واحد على قده ..

الدّبش

كان التقليدالمتبع في الماضي أن يذهب والد العروس وأهلها لمشاهدة المنزل الذي يسكن فيه العروسان،

ولعل من بين أغراض الزيارة التي يقوم بها والد العروس وأهلها لبيت الزوجية هو التعرف على ما يحتاجه المسكن من أثاث ،وقد كان يطلق على الأثاث مسمى (الدّبش) بشد الدال، وفتح الباء .

وقد كانت عملية إرساله من بيت أهل العروس الى بيت الزوجية تشكل مهرجان فرح جميل ورائع يؤكد حلاوة الأفراح في تلك الأيام الخوالي،فلقد كان يؤتى بمجموعة كبيرة من الحمالين، يضعون على رأس كل حامل قطعة من قطع الأثاث.

فللحاف حامل، ولكوز الماء حامل، وكذلك للمسند والمخدة، وتبسي الأكل والصحون وكاسات الشاي والمفرش والفانوس والإتريك.

فلكل قطعة من هذا (الدبش) حامل، ويعبر هذا الموكب دروب الحارات وشوارعها مشياً على الأقدام في مظهر جميل تصحبه الأهازيج الجميلة وملاحقات الصغار.

حاليآ صار الدبش يتغلف ويلف بالدنتيل والشرايط >> حتى ممكن انهم يودوه احد
المحلات تغلفه مثل نكتار او زهور الريف او بودي شوب >> هذه الناس الي مره فاضيه و تحب الفشخره والمظاهر

ويكون مرتب في شناط وصناديق ...ويكون ارزاق ( مونة الطعام وادوات المطبخ )

واشياء خاصه للعروس من ملابس وعطور واحذيه وكل ما تحتاجه ..

وتاخذه امها و اختها الكبير وعماتها وخالاتها مثلا الحريم الكبار بس ، يعني من خمس الى عشر حريم ...

ويكون في استقبالها في بيت العروس اهل العريس زي امه واخواته وعماته وخالاته ويستقبلهم بالترحيب والحفاوه وتقدم لهم الضيافه ثم يقومو بترتيب اغراض العروس

في جميع المنزل واماكنها الخاصه وطبعا مايرجعو الا لما تعشيهم ام العريس

وتضيفهم احسن ضيافه وتودعهم بالبخور والعطور

قطع الستاره قبل الفرح بسبعه ايام كانوا اهل العروسه يجلسونها ورى ستاره مستاجرينها
مزينه بالترتر والدانتيل والخيوط المقصبه ..

و اصل فكرتها ان البنت تشتغل اشغال كثيره فى البيت فيومها اهلها راح يريحونها من الشغل والخروج من البيت حيث انها تستقرفى الستاره للاسترخاء ويطلع لهاطله وقتها قبل وقت الزواج باسبوع حيت تتميز بلبس جلابيه مطرزه ومشغل بالحريرطبعا يقعدون يركضون ورى العروسه في البيت لحد مايمسكونها ويحطونها وري الستاره ... طبعا زي ماقلت فيها طراحه ومخدات وشراشف مطرزه يعني تنظيم معتبر ...

وخلال هذي السبعه الايام يقعدون اهلها يأكلو فيهااكل طالع واكل نازل ..طبعا اهلها وصاحباتها وجماعتها كلهم مجتمعين وكلهم يشتغلون ...

اللي تطبخ واللي تكوي الملابس وترصها في الشناط قبل يودوا الدبش ( العفش ) ومنهم اللي مخصصه للعروسه ...

تهتم في تصفية بشرتها بموية ورد ونشاء ..وحلاوة للجسم كله غير الحمامات المغربيه والمشقره ( والله زمان ) المهم يخلونهاتتلامع تبرق ...

ولا تبان ابدا لاي احد علشان تطلع بطلعه يوم النصه واول مايشوفها عريسها ...

في هذه الايام الخيرات تنزل على اهلها من ذبايح وارزاق والطباخ يطبخ والناس تاكل وفرحانه ومبسوطه ...

وفي الاخير يعملوا حفله لقطع الستاره اما فطور او عشاء ، الفطور يفطروعند ام العروسه اكلات شعبيه منهاالعصيده , الخبز بالعسل والسمن البلدى ,

والفته , مشروب لازم يعملونه امافى الصباح او العصر اسمه ملوز وهو عباره عن حليب, ماء ورد ,هيل ’ نشاء , رز المهلبيه ويوزعوا على المعازيم بعض الهدايا تكون عباره عن حناء وعطر عود وحلويات وهديا ويجلسوا الحريم خارج ستارة العروسه ويغنوا عندها بالدف دون ان يدخلون اما البنات يكونو داخل الستاره مع العروسه

اللزمه

هذاعاده قديمه لكن غير موجوده ..اصلها كانوا البنات يستحون مره لدرجة البنت لوعرفت انها راح تتزوج تهرب ..

فكان الاب والام يتفقوا على لزمة البنت فى وقت معين هى حركه يجبوا الطرحه او شرشف ويرموا عليها كانهم يمسونها وهى تفهم انهاالزمت لزوج

ليلةالغمره تعتبر من الايام السبعه التابعه لقطع الستاره بس في نهايتها بعد تزغيد العروس وشغل تلميع الجسم ..يتجمعوا الاهل والاحباب ...

ويجيبوا نقاشه تحني العروسه وكل اللي يبغى من الحاضرات طبعا كله على حساب ام العروسه المسكينه ...

( طبعا من خاطرها محد جابرها تدفع عشان فرحها ببنتها )

تكون العروسه لابسه ثوب يقاله ثوب الغمره وهو من غمر العروسه بالذهب والثياب حتى لا يبان منها شئ ...منه بنجابي ومنه خليجي ..

ويكون واسع فضفاض ويغطي راسها بطرحه ووجهها ببرقع علشان زي ماقلنا تطلع لعريسها بطلعه ...

وتلبس لها محل ذهب >> صيغة مبالغه يعني من كثر الذهب الي تلبسه...

طبعا اللي مايقدر ممكن يستاجر او زمان كانوا يسلفوا بعض ... ويعملوا لها زفه ومعها بنات صغار يلبسوا مثلها ومعهاهم مرش ومبخره وسيوف وعلم بلادي

عشا الغمره يسمونه التعتيمه ( شريك ونواشف >> جبنه حلاوة طحينيه زيتون .....)

و طبعا فله ودبك الين 12 مو زي دحين ياذن الفجر والفرح ماخلص اما في الحاضر فى ناس يعملوا الغمره فى البيت والبعض الاخر يعملوها فى وقت الدخله يوم الفرح فى قاعة الحفل تنزف بالغمره فى المغرب وتلبس العروسه بنجابي او ساري هندي وتلبس الذهب الي اشترته من المهر

واخرالسهره تلبس الفستان الابيض >> على حسب مو كل الناس يسوها

تعليق الرايه طبعا هذي خاصه بالعريس ...ويمكن مشهوره في المدينه اكثر ...

قبل الفرح بيوم تعلق ام العريس رايه ( علم ) اخضر فوق الباب او على سطح البيت

اعلان عن ان فرح ولدها بكره ...عاد يتجمعون اقاربها وجماعتها ويسهرو

ويتعشو ويغنو ويرقصو وينامو عندها من بكره يقوموا يساعدوها

تحضيرات الزواج

طبعا كل اهل الحاره يد وحده الي يساعد بالمكان واللي يساعد بنصة الشاهي والقهوه واللي بالفرش واللي يمد العقود واللي يرش المويه في المسارب والطرق ..

واللي يعطي ابو العريس مفتاح السطح واللي يقوله البرحه الفلانيه لكم الليله

سووا فيها مابدالكم واللي يعطيه الحوش يطبخ فيه وإلايحط فيه الارفاد ..

واللي يثبت التيازير على الجدران ...

يعني الكل شغال مافيه احد يتخلى ابدا عن هاليوم وممكن يستمر ثلاثه ايام ..

طبعا اهل الحاره مايبغالهم عزيمه ...بس الناس اللي بعيدين او في الحواري الثانيه ممكن يرسلون لهم كرت يجيبون ورقه ويخلو احسن واحد خطه حلو يكتب الدعوه >> سقى الله يازمن اذكر اشياء بسيطه من زواج اخويا الكبير قبل تقريبآ 24 او 25 سنه تقريبا كنت لسه في الابتدائي مشوهههههههه نفس العادات مره حلوه ايام زمان طبعاماننسى نصة الشاهي والقهوه اهم شئ يكون القهوجي جاي من العصر

ومظبط البراريد والفناجيل ومستعد والطباخ يجيب قدوره وحطبه من الصبح ويبتدي في الطبخ اذاكان برد يكون العشا سليق او عربي ..

واذا كان عادي زربيان او كابلي وطرمبه ( بلح الشام ) وسمبوسه ولا ننسى برضو حركات اهل العريس ... يجيبوا صندوق مصحف صغير ويغلفوه ويحطوا المهر فيه .. قال ايش علشان ابو العروسه مايحس انه قاعد يشحت او انه يبيع بنته ( تكتكه )

دحين الصناديق وعلب المهر وعربيةالملكه اشكال وانواع ومن عشرة ريال الى 100000 ريال غير الملبس والهدايا اللي على كل شكل وصار اغلبها متكلف فيها ...

المهم نرجع لسابقآ ، يجبوا الجسيس عاد ويبتدى في المواويل والمجسات والموشحات ...

وتعالوا شوفوا الناس كيف فرحانه وطربانه ..والحريم يغطرفو والبنات الصغار يصفقو طبعا من ورى الرواشين ياويل وحده تطلع وشويه يجي موكب العريس واهله وجماعته ... وهم شايلين الاتاريك والفوانيس والمعاشروالبواخر اللي فيها حلاوة النعناع والهيل والقرنفل وسكر النبات والفوفل وواللومنيه وفي مقدمتها عربية الملكه لانها خاصه بأهل العريس ...

غير كلونيا الليمون والمباخر اللي تعبي الحاره بريحة العود طبعا الشباب يتسابقون يشيلون الحاجات هذي ...

دحين صارو يستحون يشيلونها ، علشان كذا تقريبا اندثرت هذي الزفه ..

صارت موجوه فقط في قاعة الحريم ام العريس تجي القاعه من بدري وتحط العربيه والهدايا ويسوو لها زفه خاصه قدام المعازيم

والعروسه تلبس ليلة الملكه اوالخطوبه فستان ملون وتعمل كوشه لونها مثل لون فستانها

وتتغلف عربية الملكه وتتزين الهدايا الي فيها بشرايط ودنتيل تكون مناسبه لفستان الملكه او الخطوبه

ويقدم للعرسين كيكه وعصير والدبل وهديةالعريس لعروسه وتكون عباره عن طقم ذهب والمهر وعربة الملكه

وهذه صور لعربية الملكه




وهذه الهدايا الي تتحط فيها للعروسه




فيها حلويات وبخور وعود ومعطرات ..


وهذه علبة مهر مغلفه




وهذه الهديا والملبس الي يتوزع على المعازيم






النصه طبعا بعد الغمره وقطع الستاره قلنا اول واحد يشوف وجهه العروسه هو العريس ...

كان مره عيب انها ترفع عينها فيه او في احد من الحاضرين وإلا بيقولون جريئه
ولا تستحي العريس اول مايشوف عروسته يسلم عليها ويحط يده على راسها ويقرأ الفاتحه

بنية ان الله يهديها له وتكون زوجه صالحه ومطيعه ..

كان العريس يدخل على العروسه ليلة النصه ويسلم عليها ويقرأ على راسها ويطلع وهوا ماشافها لسه مغطاه وما يشوفها الا اليوم الثاني ليلة الصباحيه لماتدخل بيته

كانت الزفه بس بالصلوات ( زي زفة محمد عبده ) واللعابات كل وحده بزفتها من العادات برضه قبل لا تخطي العروسه عتبة اهل العريس يكونوا بالين عقد لولو في مويه وياخذ العريس هذي المويه ويكبها على رجل العروسه ...من باب التفاؤل وان قدومها بركه على البيت ورجلها بارده ..




الصبحه ( الصباحيه )



تقوم العروسه تتزبط وتتشرع ( تتشيك عالاخر ) وتنزل تصبح على ابوه واهله ..

طبعا التصبيحه تكون من اهله امه وابوه وخواته للعروسه ممكن ذهب وممكن ملابس وممكن عطور ( هدايا )



وايضا العريس له تصبيحه عند اهل عروسته من ابوها وامها واخوانها تكون بقش

( سرة قماش ) فيها ثياب قيطان وعقل مقصبه وغتر ، مشالح ، مناديل وعطور كل واحد على قده ..

طبعا في الليل فيه عشاء عند اهل العريس علشان يوروا الناس عروستهم الجديده >> البارح ماحد شافها غير عريسها وزي ما قلت احنا عندنا ليلة الصباحيه تكون في بيت امالعروسه لان العريس ما يأخذها لبيته الا اليوم الثاني





بعد الفرح زمان العروسة كانت بعد الفرح ما يسير تخرج من بيت زوجها ولاتسوي زيارات قبل ما تخلص سنة من زواجها


عيب انها تخرج قبل السنة لحد انو بعض الأحيان ما تخرج إلا وعيالها في ايدها


وأول بيت تتعزم فيه لو العروسة بعد هذي السنة لازم يسوولها عزيمة مرتبة على قد خرجتها بعد السنة و كانت تتسمى بدايه ...البداية هي اول عزيمة تروحها العروسة بعد ماتخرج من بيت زوجها لمن تتزوج

وعاده يكون في بيت اهلها ..

لكن حاليأ يسموها طلة العروس او اول خرجه للعروس بعد مرور شهر من زواجها وحصل فرح لاقاربها لابد على العروسه لبس فستانها الابيض وتزف فى هذاالعرس فى المغرب

السابع

يعملوا السابع اهل العريس وهوا بعد سبعه ايام من الزواج حيث

تلبس العروسه فستان مشغل بالترتر الفصوص وتلبس الذهب

ويعمل لها وليمه في بيت العريس ويتجمع الاهل والاقارب

اما حاليا مو كلهم يسوها بس الي يبغى يسوي زي زمان وتلبس العروس

فستان سهره فخم وتسريحه ومكياج وتعمل لها زفه

ادام الله افرحنا وافراحكم هذه صوره الافراح الحجازيه مابين الماضي والي

في الماضي كان يرتدى الثياب وعليها الصديري والجبة وعلى الرأس العمامة المطرزة بالقصب الأصلي وبلفة من البوال السويسري الناعم الجميل أو الشاش الأصلي الفاخر.

واما لبس ابن الحارة فل إبن الحارة زيا خاصا في لبسه فهو يلبس السروال الطويل والفلائن ذات الكم الطويل أو النصف و الحزام في وسطه من صوف يسمى البقشة أو بحزام الجلد ويسمى الكمر,, , ويتعمم ابن الحارة على رأسة بالغباني وهو:: برد من أرض الشام عن احرام مشتغل بألوان مختلفة , او يتعمم بالسليمي او العنبر صر أو الاحرام البالي,
ولا يزال هذا اللباس التقليدي يلبس الى الان في مكة والمدينة وفي وقتنا الحاضر

لبس النساء

كما سبق وان قلت وقبل ليلة الزفاف هناك ليله تسمى بليلة الغمرة (اي الحنه ) ومازالت موجودة الى الان مع تطورات حديثه ،

في هذه الليلة تقوم العروس بأرتداء زي مميز من أزياء تراث المنطقة نفسها قد يكون .. بدوي ((محاريد))

وقد يكون مديني (( زبون )) وتقوم العروس بتغطية وجهها بالبرقع المزين بحبات اللؤلؤ أو جنيهات الفضة

حتى لا يرى أحدهم وجهها إلا يوم الفرح (( عشان تطلع لها طلعه ))

ومن ثم زي العروس الحجازيه فهو يختلف عن بقية المناطق ومواصفات هذا اللباس اولا يتميز بالوانه الناصعه البراقه وكذلك يتسم بانه واسع يغطي كامل جسمها ويكون مطرزا بالون زاهيه كماهو في الصور صورة لعروس حجازيه

وهذا ثوب مديني وهذه الكراسي تخص العروسة وقت الزفة تمشي العروسة فوقها الى ان تصل الى الكوشة وهذه الكراسي تكون في الكوشة للعريس والعروسة يخص المدينة

7

7

7

ازياء خاصة بمكة والمدينة ...

هذا يخص مكة اسم الثوب درفة الباب يكون قطعة واحدة من الامام قطعة ومن الخلف قطعة مطرز بالكنتيل والقصب ويكون التطريز موزع بكثرة على الثوب

الثوب الفوشي مديني اسمو (مصكك.. او.. مشبر) يتكون من ثلاث قطع ثوب داخلي والمشتغل الخارجي وسروال مشتغل وطرحة

(الزبون ) لاهل مكة والمدينة يتكون من ثوب داخلي وثوب شفاف مشتغل من الاوراقنز ويتلبس على الراس المحرمة والمدورة..

اما بالنسه لاهل الطائف فاللباس يختلف قليلاعن اهل مكة والمدينه

وايضا توجدهناك ملابس للخرجات والزيارات تلبسها المراة الحجازية

8

8

8
وهذااللبس للخرجات والزيارات تلبسها المراة الحجازية وتعددت الالبسه النسائيه من كل قبيله واخرى

تَتمَتْعّ اْلمَنْطِقَةْ اْلغَرْبِيهّ بِمَأْكُوّلاَتْ لَذِيْذَةْ وَ يَتَمْتعْ أَهْلَهّاَبِتَمَييِزِهْمّ لِّلطَعْمْ اْلطَيِبْ , وَ اْلنَكْهَةِ اْلمُميّزَةْ , وَللِحِجَازْمَأْكُوّلاَتْ شَهْيّرَةَ وَ قَدِيّمَةَ , مِنْهَا مَا لَايّقُومْ بِطَبْخَهْ إِلاّ اْلجِدّاتْ لِأَنّ هَكْذَا مَأْكُولَاتْ تَتَطلْبّ خِبْرَةْ وَ فَنْ وَ وَقْتّ واهل الحجاز يتوافدون عليهم الناس من جميع الاقطار العربية والأسلامية وبذلك اصبح طعامهم ايضا خليط من اطعمة تلك الشعوب ومن المعتاد لدى اهل الحجاز ان يتناولوا الطعام جلوسا على الارض سواء في الولائم او في الاوقات العادية في البيوت وفيما يلي سَنَذْكُرْ بَعْضَاً مِنْ اْلمَأْكُولَاتْ اْلشَهِيّرَةْ وَ اْلأَصِيلَةْ فِي اْلحِجَازْ وَ التى يشتهر بها اهل مكة وجده والمدينه مِنْهَا :


الفـــول :




الفول من طعام اهل مكة في الافطــار حيث يكثرون عليه السمن او الزيت وبعضهم يضيف اليه كمية من الطحينه ويتفنون فيما يضاف اليه مـن ســــــــلطات وبهارات وخصوصا في شهر رمضان علـــــــــى مائدة الافطار


وَاْلتَمِيِسَ :




و هو الخبز المعروف في الحجـاز ( الطـائف ــ مكة ــ جدة ــ المدينة )

ومنهـا إنتشر إلى باقي مدن المملكة العربية الســعوديـة .

وهو أصـلا من دول آســيا الوسـطى ( بُخارى وماجاورها) ودخل إلى الحجاز

مع الإخوة المسلمين من أهل تلك الدول خاصة منطقة بخـارى ،

وعُـرف بإسـم التميس البخــاري ..

وهو مُـدرج ضـمن الأطـباق البخـاريّة اللّـذيذة

(مثل الرز البخــاري والمنتو واليغمُـش والفرموزا والسـامسو والشيش برك واللّغمن ... إلخ )

ويشـبهه خبز التنـّور (الهولي) أو الباكســتاني ولكنّ التّميس أكبر حجمـاً منه وأكثرســماكة

ويختلف في بعض مكوّنات العجـينة وهو عدة أنواع ( العـادي ــ بالســمن ــ البســكويت .. إلخ )

أما إضـافة السـكّر فليس أســاســا أوشــرطا بل هو من الخيارات الذوقية المتعـددة .. وأكثر أنواع التميس إنتشــاراً في الوقت الحاضر هو التميس الأفغــاني .. وهو أقـرب كثيراً إلى التميس البخــاري العـتيق ..

المعصوب :




المعصوب من الاطعمة التقليدية في وجبة الافطار لدى اهل مكة وهو عبارة عن اقراص صغيرة من الحنطة الخالصة فاذا نضجت الاقراص في الفرن اخرجت ووضعت في ماعون من الخشب يسمى قدحا ثم يضاف الى الاقراص مقدار من العسل والسمن والموز ثم يدق بالة حادة مخصوصة لذلك وبعضهم يضع له بدلا من العسل السكر وبدلا من الموز القشطة ثم ثم ياكلونه بالملاعق

المطبق :




وعبارة عن فطير فيه حشو من اللحم المفروم ومقدارمن الكرات المفروم ومن البيض يخلط ذلك كله بعد فرد العجينة ويطبقونها على الحشو ثم يقلونها في صاج من الحديد هذااذا كان المطبق مالحا اما اذا رغبوه حلو حشوه بالموز والسكر او الجبن الحلووبعضهم يجعل بدلا الجبن القشطه

السليق :




من الاطعمةالتقليدية وخاصة في المناسبات وهو عباره عن سلق اللحم ثم اخراجه من المرق وطبخ الارز فيه دون اضافات اخرى سوى السمن عندما يقرب الارز من النضج وبعضهم يضيف اليه كميه من الحليب او القشطة ثم يغرف الارز في صوان يسمونها تباسي واغلب ما يصنع في المناسبات او الاعياد او الاجتماعات او الزوجات ويصنع من الخروف

المبشور :




عباره عن لحم مفروم وشحم البطن ويضعون عليه كمية من الثوم والفلفل الاسود

ثم يكببونه تكبيبا مدورا ثم ينظمونه في اسياخ من الحديد ثم يشوى على الفحم ويكون الفحم صغير الحجم ويقدم بعد ذلك برصه على اطباق الرز الابيض وتقدم معه سلطة اللبن

الْتَقَاطِيع :




هيا كرشةالخروف يقطعوها صغار ويسوها على الصاج تجيك مقلقلة....

في المطعم السوداني يسموها كمونيه

الْسَقْطْ :





مجموعة من الكرشة والفشه والكبد والقلوب تضاف الى الحنطة بعد غسلها وتنظيفها وتوضع على نار قويه الى ان تنضج بعد اضافة البهارات كالقرفه والكمون والفلفل والشيب....


الْلَطْفّ :





مزيج من الدقيق واللبن ومكونات تانيه على النار حتى يصير تخين ..

ويتقدم مع التمر والسمن .. وعادة هذه الوجبه تقدم للضيوف ..


شُرْبَةْ الْمَقَادِمْ :




من الاكلات الشعبية المشهورة في مكة وهي عبارة عن مرق ينتج من سلق ارجل الخرفان كوارع زي مايقولو اخوننا المصريين


مَرْقَةْ الْهَوَى :




من الاطعمة الخفيفة التى تلجا اليها ربات البيوت عند انشغالهم وتسمى مرقة هوى لانها خاليه من اللحم وطريقتها ان يكشن ( يحمر ) البصل في السمن الى ان يحمر ثم يطفى بالماء ويكون الخبز مفتوتا فيصب عليه هذا المرق ويقدم للاكل...


اَكْلَاَتْ حِجَازِيّةْ مُعَاَاَااَاَاَاَاَاَاَصِرَةِ :

يحتفظ اهلي المنطقة الغربية بموروثهم الشعبي في الماكولات الذي يتميز عن غيره من المناطق ومع ذلك اضيف اليه ماكولات جديده نتيجة الاتصال المباشر و الغير مباشر مع بقية الدول وتفننت المراة الحجازيه بصنع الماكولات شعبية السابقة الذكر وغيرهاوهنا احنا نضيف بعض الماكولات المعاصرة التي تم تتميزبها المنطقة الغربيه

الْرُزْ الْبُخَارِيّ :



وهي ممايتميز به اهل الحجاز ولا يكاد بيت في المنطقه الغربيه لا يتقن هذه الاكله ..

الْرُزْ الْكَابِلِيّ :





وهو ايضايتميز بطمعه اللذيذ المذاق والطيب الرائحه ويقدم في وجبة الغداء مع السلطات ...

اَكْلاَتْ شَعْبِيّةْ رَمَضَانِيّهْ عَلَى وَجْبَةْ الْاِفْطَارْ :

منطقة الحجاز هي اكثر المناطق السعوديه انشغالا بتقديم الخدمات في شهررمضان على وجه الخصوص للمعتمرين في بيت الله الحرام ، وزوار مسجد الرسول في المدينة المنورة،إلا ان لرمضان مذاق متميز في الاستقبال والاحتفاء ومثل بقية بلدان العالم الاسلامي يوجد اختلاف كبير في الأجواء الرمضانية في مختلف أنحاء المملكة العربية السعودية....

وتَعَتْمَدِ وَجْبَةْالْاِفْطَاْرْ عَلَى

اْلرُطَبْ :




وهي تطبيق لسنة حبيبنا ونبينا محمد صلى الله عليه وسلم فعن أنس – رضي الله عنه-

"أن النبي (صلى الله عليه وسلم) كان يفطر قبل أن يصلي على رطبات, فإن لم تكن رطبات فتمرات,

فإن لم تكن تمرات فحسـوات من الماء". رواه أبو داود،،، ولا ننسى انالمدينه المنوره مشهورة بالنخيل وانتاج التمور ...

الهريسه :




هي اكله حضرميه عبارة عن حنطة تبل ثم تدق في مدقات خاصة خشبية لنفض القشر عن الحب

ثم يسلق اللحم جيدا في قدور ضيقة الفوهه ثم تخلط عليه الحنطة المدقوقه ثم يعصر الجميع بمعصرة مخصوصه الى ان يصبح المزيج كالعجين ثم عند الاكل يضاف اليه كميه مناسبة من السمن والسكر الناعم


الْمَنْتُو :




طبعا اسم الاكلة غريب شوي ولكن هي اكله ذات اصل بخاري واشتهر بها الاخوة البخارية وينعمل على البخار طعمه يجنن. زي اليغمش بس المنتو مو ناشف زي اليغمش...


الْفَرْمُوُزَهْ :




هي اكله تنعمل في الفرن ويكون داخلها لحم مفروم وبصل وهيا ذات اصل بخاري..

الْقِطَايِفْ :





وهي من الحلويات الشعبيه التي تقدم في شهر رمضان المبارك وتتفنن ربات البيوت بصنع القطائف ويتفنن في الحشوة المضافه اليها وغالبا تكون المكسرات المدقوقه ....


الْسَمْبُوسَهْ :




لا تكاد تخلو السفرة الرمضانيه من السمبوسه طوال الشهر الكريم وهي عبارة عن عجينه تعجن يضاف اليها الدقيق والماء والملح وبعض الاضافات وتحشى بانواع مختلفه واشهرها اللحمة المفرومه اما حاليا فقد تطورت الى عجائن جاهزه تباع في الاسواق وتتفن ربات البيوت في حشواتها ....


اللْقِيّمَاّتْ :




هي من الماكولات الشعبيه ولم تندثر الى الان وتقدم في سفرة رمضان وهي عبارة عن عجينه تعجن مع ماء وملح وخميره وتكور وتقلى في الزيت وسميت كذلك تشبيها باللقمه ( لقمة القاضي ) وتسقى بالشيره او العسل ...


الْشُوُربَه :




تتسم المائدة الرمضانيه بوجود الشوربه وتختلف طبخها من بيت لاخر وعلى حسب المذاق المطلوب ...


الْكَرِيْم كَاَرِمًيلِ :




هي من الحلويات التي تقدم على مائدة الافطار ويعشقها الصغار قبل الكبار لانها تتمتع بطعمها الرائع ....

الْمَشْرُوُبًاتْ الْشَّعْبِيّةَ الْرَمَضَانِيْهَ :


الْسُوًبِيَاّ :




ينفرد اهل المنطقه الغربيه بصنع السوبيا وهي اهم مشروب يزين المائدة الرمضانيةوتتكون من الشعير والقرفة والهيل وماء وسكر التي يتم خلطها جميعا ثم تخميرها لفترةلاتزيد عن ثلاثة ايام ..

وتشرب مبرده ولا تترك اكثر من ربعه ساعه خارج الثلاجه والا فأنها تفسد

و السوبيا لها عدة انواع : منها الحمراء والابيض الشعير والاسود التمر الهندي



الْخَشْاّفْ (قمر الدين ) :




سيد العصائرفي السفرة الرمضانية وهو عبارة عن عصير من التمر الناشف منزوع النوى مضاف اليه حليب وبعض الفواكه المجففه اوعلى حسب الذوق ...


الْشَايّ الْاَخْضَرْ :




تشتهرالمنطقة الغربية بزراعة النعناع باشكاله وانواعه المختلفه وخاصة المدينةالمنورة فيتم تقديم الشاي الاخضر بعد الافطار وله فوائد طبيه وصحيه ....


مَاّكُوُلَاَتْ شَعْبِيّهٍ فِيّ الْاَعْيَادْ :


هناك أطعمةعديدة تعد لاستقبال عيد الفطر المباركـ .

(الدبيازة) :





وهي خليط من قمر الدين واللوز الحجازي المحمر والمشمش والمجفف وحبات التمر المجفف بني اللون ....


الْمِنَزْلَهْ :




من الأطباق الحجازية و عادة تطبخ في عيد الفطرو هي عبارة عن قطع لحم ضأن تطهى مع البصل والطماطم و الطحينةو الكركم و الزعفران و الكمون و الكزبرة الناشفة و الملح و الفلفل الأسود...


الْمَعْمُوُلْ وَ الْغَرِيْبَةْ :





نوع من الحلويات الشعبية المشهورة تعتبر هذه الحلوى من أهم حلويات العيدحيث تصنع عادة في البيوت وخاصة عيد الاضحى ...


الْمشبك :

نوع من أنواع الحلويات الشعبية مشهورة في دول عربية عديدة ،

يكثر الإقبال عليهافي شهر رمضان ، توزع كصدقات وكثيرا

ما تشاهد صواني المشبك في الجوامع والمساجد لتوزع كنذر أو صدقة.

شاهد واستمتع

من مجسات الحجاز في الافراح




واخيراً اتمنى ماقدمت يحوز على رضاكم