شيء يسير عن شاعر كبير

البدع من الشاعر المتميز صالح اللخمي
يا وزير الصناعة يا وزير العمل ويش العمل
وش عملتم لنا من حل يقضي على أفواج البطالة
وش نبشر به الجمهور في مطلع العام الجديد
حدثونا عن إنجاز الخطب والمشاريع الجديدة
هل ترى نفذت وإلا مجرد كلام على ورق
نص مليون عاطل عندنا لا دراسة لا وظيفة
بحت أصواتهم من كثر ما يصرخون ويشتكون
تايهين الخطى بين القطاع الحكومي والعمومي
كن ماشي حكومة والبلد كن مافيها غناة
والمصيبة إن الاستقدام يتجاوز الرقم القياسي
حسب ماجا في التعداد سبعة ملايين أجنبي
لامتى والبلد مرهون بيد العمالة الأجنبية
ينهبون الموارد نهب كن أرضنا ماهي لنا

الرد من العمده الشاعر محمد بن حوقان

يا الشباب السعودي كنّ غيرك مسوي لك عمل
لا متى وأنت تايه ما تصل لا بدعم ولا بطالة
لا متى ما تفرق ساعة الهزل عن وقت الجديد
دولتنا دولة التوحيد يا لله عسى يمها جديدة
دولة ما تطاوع كل قلباً خذل فيها وراق
عل واحد وله تفكير يقدر على كيفه يظيفه
والنوايا نضاف وبعض الأفكار ما أدري وش تكون
لكن الحمد لله إن تفكيرنا ماهو عمومي
مثل ما قيل فا الأمثال كلاً يطول في غناه
بعض الأحيان أمد الشوف وأقيس وأغلط فالقياسي
ولباس الغنى والستر من فوق راسي وأجنبي
يا لشباب السعودي حاربوا كل فتنة خارجية
الزمان أنصرف عنّا وتفكيرنا ماهيلنا