بطاطس مشوية بصوص الجبنة والكريمة

حطي البطاطس في الفرن لحد ما تستوي





النهارده بنقدم لك طريقة سهلة وسريعة للبطاطس، علشان تعملي وجبة بشكل مختلف وبعيد عن الأصناف التقليدية..

بطاطس مشوية بصوص الجبنة والكريمة
المقادير:
4 ثمرات بطاطس متوسطة
4 مكعبات جبن كيري
ملعقة صغيرة بهارات
¼ كوب مرقة دجاج
4 ملعقة كريمة طبخ
3 فص توم مفروم
2 ملعقة زبدة
ملح وفلفل

الطريقة:
1- اغسلي البطاطس كويس، واغرزي السكينة فيها خط بالطول، وخط بالعرض، على شكل حرف t، وبعد كده اسلقيها نص سلق، لمدة ربع ساعة.

2- حطي الزبدة في حلة، وحطي عليها المرقة، وضيفي الجبن والكريمة والتوم والبهارات، وقلبي كويس لحد ما يبقى الخليط ممزوج كويس ومتجانس وقوامه زي قوام الكريمة، وبعدها اضربي الخليط في الخلاط لمدة دقيقة علشان يكون من غير أي قطع مكلكعة.

3- قوّري جزء بسيط من البطاطس بالملعقة، وحطي فيه الصوص، وبعدها حطي البطاطس في الفرن على درجة حرارة 180 لمدة نص ساعة، ولما تستوي قدميها مع خضار سوتيه.. وبالهنا والشفا.


وبكده تكون خلصت وصفتنا النهارده..
جرّبوها وقولوا لنا على رأيكم فيها..
واستنونا بكره مع وصفة تانية جديدة..
سلام،،،

ماشاء الله عليك
مبدعه

تسلمين ع التواجد

ونعم بالله والله يعطيك العافية أختي في الله نقاء شكرا جزيلا
جدا رائع ولك كل الإحترام والتقدير أختي نقاء

لك الحمد عدد خلقك وزنة عرشك ورضا نفسك ومداد كلماتك
على نعمك الدائمة وعظيم رزقك ، لك الحمد حمدا يليق بجلالك
وعظيم سلطانك ولا يحصى ثناء عليك ، أنت كما أثنيت على نفسك

الف شكر لك على روعة مرورك ورقة اطلالتك

لاحرمنا الله منك

مع خالص مودتي