إهداء إلى جمهور الأهلي

أنا لست هلالياً
ولكن في بطولة آسيا هذي والله اني مع الهلال قلباً وقالباً
وأي واحد كفو لازم يقف مع الهلال لانه السنه هذي يمكن هو الفريق السعودي الوحيد اللي نأمل عليه انه يشرفنا
وحتى قبلها فالهلال فريق كبير
والعام وقفت مع الاتحاد وانا أشجع الاهلي لكن كان الاتحاد فريق قوي ومشرف ولولا نكسة النهائي لكان البطل

واعتقد ان هذا الكلام هو المفروض يكون بيننا هنا

اما ما ينقل من مفردات من منتديات ثانيه الى هنا فهذا لا يجوز اولا لان اكثر منتديات الانديه اللي يكتب فيها بنات باسماء رجاليه مستعاره وثانيا مهما كان فهم يكتبون هالالفاظ في منتدى كلهم لهم نفس التوجه
اما هنا فالامر يختلف
هنا منتدى رجال
ومنتدى قبيله
وكل كلمه تكتب هنا محسوبه على المنتدى
حتى لو كانت وجهة نظر شخصيه
وجهات النظر هنا لها مستوى معين لا يمكن ان تنزل عنه
وبعض الكلمات يجب ان يرقى بنفسه الانسان عنها واللي يقرا موضوع ويفور دمه
يطلع ويقرا موضوع ثاني لين يهدا ويرجع يرد يرد رد هادي ومتزن
حتى لو خالف وجهة نظر الكاتب عشان نعرف انه ولد ابوه بس

هذا الكلام عام وليس للاخوان اللي حذفت موضوعهم ويشهد الله على كلامي اني ما اقصد شخص بعينه
وحتى لو أي واحد قال اهلاوي ونزل بالكلام اني بحذفه وكنه براد أبو اربعه لين يشيلون مني صلاحية الحذف

اللي يبغى يقول كلام ساقط يدخل منتديات النادي اللي يحبه ويسب الانديه الثانيه وشرط انه يلقى كل تشجيع
اما هنا فارجو أن يعرف الجميع ان لا مكان للانحطاط

دائما اتمنى أن تكون كل المواضيع الكروية تتسم بالروح الرياضية وعدم الاساءة فكل اللاعبين وكل الاندية في نهاية الامر سعوديين ويمثلون بلد واحد فلماذا التناحر

تذكرت ابيات غير كاملة لقصيدة رائعة لعبد الله البيضاني يقول

من اجل ايش نرزم مثل رزم البوابير
على هجرة مالت بكسرى وقيصر

أنا ماراح أتكلم على الكورة لأنكم الظاهر ماتفهمون في الكورة
وأنااتضح لي إتجاه هذا المنتدى وميوله الرياضي
ترضون السب والشتم على فرق معينة والأخرى ماترضون وتحذفون الموضوع

الشيء المهم بالنسبة لك يالهجير أتمنى أن الإنسان لا يقول كلام إلا وهو عارف معنى لكلامة
ويكون النق هادف

والقبيلة كلنا أولاد قبايل
وانك تقول أي واحد كفو يقف مع الهلال هذا شيء خاص لنفس الشخص وما يتمناه
وأنا على فكرة أنا أشجع الهلال في الآسيوية مو علشان جمهورة علشان الهلال نفسة وأنا جاهز
للرد على الجمهور الهلالي ومن يتعاطف مع الجمهور الهلالي
وأنت تنصح أن الواحد مايرد في موضوع إذا كان زعلان فهذا الشيء مو واضح فيك
وكلامك ياعزيزي كله غلط وحاول تحترم الآخرين ولا تلف وتدور في كلامك مثل ....
لأنه فيه عبارات غير لائقة في هذا المنتدى والكلمات كثيرة ولا تسمح نفسي حتى بكتابتها
وكل واحد أعرف بنفسة


والجاي أحلى