علي السبيه+ابوتركي

هذه قارعه صارت بيني وبين الشاعر الكبير ابوتركي وهي مسجله في المنتدى
وانا اختصرت القصايد اللي بيني وبين ابوتركي وسجلتها في هذه الصفحه

البدع\علي السبيه=
سلام واعداد سيلن جارحن مرَ سايل=
انتاجكم زاد فوق الوصف يا منتجينا=
ما تشبه الا الجبال النايفات الجوابي=
مهما تطول الغصون المثمرة والمحبين=
ما نهجرك يا عنبنا وانت حبك دوالي=
+=
الرد\ابوتركي=
يابن السبيه حرمني صاحبي مرسايل=
وان شا الله الحظ ياجيبك ليومن تجينا=
حتى آخذ العلم من راسك وتاخذ جوابي=
يمكن على ايدك يبين لي العدا والمحبين=
واقل لمن حبني مالعله حبك دوالي=
+=
+=
البدع\علي السبيه=
الذيب يا اهل الرعية ما يصيد الهزايل=
ياكم رقبنا متى نورد على الما غنمنا=
ذيابه ابتجفل الرعيان والا ابتعادى=
والذيب لا صاد صيده يمسكة بين نابين=
يلوى قلوب الغنم بيدية وارقابها لي=
+=
الرد\ابوتركي=
ياقلب مهما يطول وقتنا منه زايل=
ياما خسرنا في الدنيا وياما غنمنا=
ماهمني غير فرقى احبابنا وابتعادي=
مفروض من بعد ذاك الحب مابيننا بين=
اقرا تبارك وسورة نون وارقى بها لي=
+=
+=
البدع\علي السبيه=
ياشاعر(ن)مايحاضي اهل القلوب الذلايل=
مدرى عنة خصنا فى العلم والا جملنا=
متى بعد تنهظون اقدامكم يا قعودى=
لاتسهر العين تالي الليل والناس نامين=
وان بان وجة القبيح الشين بين الجمالي=
+=
الرد\ابوتركي=
يابن السبيه قعودي ضاع بين الذلايل=
مادري آخذ الخيل للميدان والا جملنا=
ماظن تقوى على ميداننا ياقعودي=
وانا احسبنك من اول هيل يابو سنامين=
اثرك ضعيف قليل الحيل بين الجمالي=
+=
+=
البدع\علي السبيه=
الله يسامحك ياذا عد لي في المثايل=
ما كل من مر من شاطى البحر مار مينا=
وان كنت شجَعت نادى للسبق وزً نادي=
ياهيل الى جادت الاوقات لك ونً ياشين=
وقص لي من شريط الفوز والبند قص لي=
+=
الرد\ابوتركي=
مجار ماقصدك ياللي مايخاطي المثايل=
لو كان ماجا دعايه للهدف مارمينا=
ولا شرينا المعابر للهدف والزنادي=
انتم هل البندق اللي جودته من نياشين=
سيوفكم شابيه للزحمه والبندق اصلي=
+=
+=
البدع\علي السبيه=
اشوف كلً من الشعَار فينا مخيَل=
وبعضهم ودة انة تحت ضرسة فرسنا=
وابوعطية على كل المثايل جوادي=
المدح لهل الكرم ماهو لناسً بخيلين=
كم حد شوفك علينا ياعيون الخيولي=
+=
الرد\ابوتركي=
فينا مدرب ورماين وفينا مخيّل=
ولا يقود الخيول الطيبة الا فرسنا=
خلك مع الخيل في ميدانها ياجوادي=
مجار مابدلك يالخيل الاصلي بخيلين=
خيلا يجمل قليل الوصف بين الخيولي=
+=
+=
البدع\علي السبيه=
شهار معمور لصحاب العقول الغزايل=
وشريت يابوعطية الليلة في ما وصفنا=
اون واتالي الزفرة من اقصا فوادى=
يابوعطية اكثرالاصحاب عايش بوجهين=
تعما عيونك عن المرقاب يامن رقب لي=
+=
الرد\ابوتركي=
لاعادها الله خطوه يم وادي غزايل=
لو كان ندري عنه كان ابتعدنا وصفنا=
ولايكنا نشبنا فيه مقصاف وادي=
ياليتني جيت من شمرخ لوادي بوا جِهين=
والا يكنّي نشدت اللي عنه مر قبلي=
+=
+=
البدع\علي السبيه=
اجرَ صوتي على الالحان واتالي اللَيل=
حتى ولو كان عافتنا القصايد وابتنا=
والاَ نقول الحلا مكروة والمرَ قادى=
واهل المزارع لفلجان الثمر نامت العين=
مايوم ملَيت ياسيدى ولا انا مليلي=
+=
الرد\ابوتركي=
يابن السبية تجيني رابعه تالي الليل=
ياكم ليالي سهرناها معاها وبتنا=
حتى عيوني شكت قلّ البصر مالرقادي=
سنين وانا على ذا الحال مانامت العين=
مهنا بيومي كما العالم ولا انام ليلي=
+=
+=
البدع\علي السبيه=
يا يرتفع جدرنا المعمور ياهيل ياهيل=
والاَ غلطنا على درب التلف وانتزينا=
واللَي رخيصة وينقص كيلها وين تزادي=
لجليش وحدك تجدَ الجدَ والكل هازين=
ما يحتمون البلاد الواسعة باالخيالي=
+=
الرد\ابوتركي=
ليش الجفا بعد ذاك الحب ياهيل ياهيل=
وانت المنا وانت شرحة خاطري وانت زينا=
وانت الشراب الذي يشفي الكبد وانت زادي=
سبحان من شرفك في صورة (ن) كلها زين=
مهما ابتعدنا تظلي صورتك بالخيالي=
+=
+=
البدع\علي السبيه=
ما يضهر البدر يا بوتركي الا مع ليل=
والى طربنا فميَز لحننا واشدوانا=
ابدي من الجون والبيبان والشبَك ابدي=
بيتً من الشعر يغني عن كثير الدواوين=
كلن يقل هات مبدا القارعة ياعلى لي=
+=
الرد\ابوتركي=
يابو سعيد المرض خلى عظامي معاليل=
مدري وش الراي فيما صابنا وشدوانا=
والهم فالقلب زاد على المرض شب كبدي=
وين التقي الوصفه اللي طيبه والدوا وين=
حسبي على من عطاني الهم وانا عليلي=
+=
+=
البدع\علي السبيه=
على رحيق الزهور الراويه مال ناحيل=
وانحن وردنا على المنهل ويا ماء وعدنا=
وانا اقدر اوصل لدرب الفوت والفيت وأعدي=
ماقرَت ابيار واديكم ولا قرَت العين=
والدمشقي من حبوب الفضة والماس محلي=
+=
الرد\ابوتركي=
لي صاحبن ياعلي عن فرقته مالنا حيل=
ياما انتظرنا مراسيله وياما وعدنا=
وانا تراني على ميعاده اوفيت وعدي=
اهو من القلب فالدنيا وهو قرة العين=
اموت مغبون في لقياه لو ماسمحلي =
+=
+=
البدع\علي السبيه=
ماعيني اسير من درب الخطر والمح احيل=
ولا نوينا نشد و ننتقل من محلنا=
متى نسافر بلاد الهند و متى نعودي=
وين النَقا في صلاب الروس والا البثور اين=
ماشفت الامواج فوق البحر تهوي و تعلي=
+=
الرد\ابوتركي=
الله يسقي زمان السانيه والمحاحيل=
ايام نرقب على ماي الفلج لامحلنا=
والضمد والمدمسه والساقة ممتان عودي=
ولايديسون حب الحنطه الا بثورين=
والغرب بالما به الثيران تهوي وتعلي=
+=
+=
البدع\علي السبيه=
المح لنوع الجياد الطيبة والمح اصيل=
ماضن في نقلت البلجيك والميزر اعنا=
والسهم يرقب غزال الريم الى لاح صادي=
ياشاعر القيف ترجح لك كفوف الموازين=
ان جدَ لي في بيوت الشعر وان موزحالي=
+=
الرد\ابوتركي=
يقل محمد فقدت المزرعة والمحاصيل=
روّح تعبنا خساره ليتنا مازرعنا=
قلت ابتجي الفيده من منتوجها والحصادي=
وابيعها جمله والا ابيعها بالموازين=
لااثمر شجرها بتفاحا ولا موز حالي=
+=
+=
البدع\علي السبيه=
الويل من هو تجنَب سكته ما لقا ويل=
وانحن معانا الذهب صافي ويا ماس معنا=
لاتمنحون الوحوش الضاريه منح اسودي=
وتدقل الباخرة في كل منزا دقولين=
وللبراكين و الزلزال قيلن و قالي=
+=
الرد\ابوتركي=
يابو سعيد اتعبتنا هرجة لاهل المقاويل=
ياما صبرنا ونتحمل وياما سمعنا=
ماعيني اضيق من هرجه تجي من حسودي=
لو قلت له عاف من درب الخطا زاد قولين=
ماشغلته غير يتسمع لقيلا وقالي=
+=
+=
البدع\علي السبيه=
الكون دوَار والدنيا بتدرج مع ميل=
والى جلبنا الغلا ما كلًَفن جالبنًا=
واهل الغرض لوبغيت اتناوله منعو ايدي=
وانا اتًَقيت الهوان وطول الايام اقا اهوين=
لا تاخذ الجايزة ياخي محمد وهي لي=
+=
الرد\ابوتركي=
اقوله يابن جا حمسه على ايدي معاميل=
انه لمنهو شرب له منه فنجال بنا=
في شاذليه تبيّن ريحته من عويدي=
تكفون ديرو فناجيله لنا يامقهوين=
وزودونا في الفنجال بنن وهيلي=
+=
+=
البدع\علي السبيه=
لا تهجل العيس في وسط الخلا ون تهاجيل=
امَا جمال البدو فيها ضخامة و متنا=
والجنة ماتفتح الابواب لك يا لحودي=
لكن ما ودنا نخلط قبيحً مع الزين=
ولا نقدَر حبوب المزرع الاَ بكالي=
+=
الرد\ابوتركي=
يقل محمد في الهجره بدا وانتها جيل=
يارب خفف علينا لانتهينا ومتنا=
لاصبحت في القبر مابين الصلي واللحودي=
عزو حبيبي ودارو دمعته يامعزين=
اهو الذي ماسعد في موتي الا بكالي=
+=
+=
البدع\علي السبيه=
تمثال صدام داسه بوش بين التماثيل=
ولا حزنا على فقدة ولا كلفنَا=
بعثي وسلط عليه الله جنود اليهودي=
من بعد ما كان شعبة في بلدهم مغنَين=
اليوم مابينهم شب الفتن واقتتالي=
+=
الرد\ابوتركي=
يابن السبيه ترى في مصر تحلى التماثيل=
وفنهم مايحاضي به ولا كل فنا=
والى اوعدو طبعهم مايخلفون الوعودي=
فيهم ممثل ورقيصه وفيهم مغنين=
في حاضرة وقتنا والا يجي وقت ثالي=
+=
+=
البدع\علي السبيه=
ليت القصايد توفَي مدحكم يا رجاجيل=
رباع يا عزَنا بين القرى يا شرفنا=
بيوتهم عامره فيها مكارم و جودي=
وابو عطيه نعدَه م الرجال الموامين=
شاعر وراعي جميل ومن عزاز الرجالي=
+=
الرد\ابوتركي=
الوقت يمضي بنا وانحن بعد في رجا جيل=
والهم جا اللي نشو قدامنا والشر افنا=
وان مت ماظن ينقص فالخلايق وجودي=
والى دعي لي ورى موتي بخير(ن) قل آمين=
مايفتقد لي يكون اللي عزيز (ن ) رجا لي=
+=
+=
البدع\علي السبيه=
ماعاد من سد مارب لهل صنعاء ولا انجيل=
ولا عد ابيار وادينا تغطي قرانا=
اثر الضما لو يلع في دورنا ولع بادي=
بعد يقصَر مدى الايام وان تم لك امدين=
والروض عوَد قفر والبيد رب الجلالي=
+=
الرد\ابوتركي=
اهل الصليب افترو توراة ربي والانجيل=
وانحن في الاسلام جا تشريعنا من قرانا=
نزلّه عالمصطفى بالحق رب العبادي=
وانحن لنا دين فيه الحق وانتم لكم دين=
والكون خيره وشره بيد رب الجلالي=
+=
+=
البدع\علي السبيه=
النمر لا ضم صيد اغدا عظامه تفاصيل=
من خبط كفه يلين الصلب والعاج لينا=
يكاد يفني الجمال اللي في البر كودي=
ما للهدايا مقابل في قلوب المهدين=
والنمر يطرد جمال الباديه والعجولي=
+=
الرد\ابوتركي=
يابو سعيد استمع لاخبارنا بالتفاصيل=
قدام توصلك ماهل الكذب والعاجلينا=
نبني المعاني ونبني علمنا بالركودي=
ولا نحسّب هروج اللي غشم والمهذين=
نتجاهل العلم من حسادنا والعجولي=
+=
+=
البدع\علي السبيه=
جيش ابرهه يوم وصل وادي محسَر زرا فيل=
افنتهم الطير تحت الشمس و الضي فونا=
والشوك مايشبه اغصان الزهر و الورودي=
والصلب لا تحسبه تحت العواصف رقف لين=
وقَفت من شان ابو تركي وهو ما وقف لي=
+=
الرد\ابوتركي=
أهل البخل ياعلي للباب حطو زرافيل=
ماضيفو حد على خبري ولا ضيفونا=
بيوتهم تنعرف للي صدر والورودي=
إلى أقبل الضيف حطوله على الباب قفلين=
من شدة البخل زاد الباب ضبه وقفلي=
+=
+=
البدع\علي السبيه=
مافي قلوب المحبه والرضا قلب رازيل=
يوم انتخبنا محمد ليتنا ما انتخبنا=
والحزن يغلب مواقيت الفرح و السعودي=
لكن ياروح في وقت الشقا لا تمارين=
اما بدينا مع الاصحاب والا بدو لي=
+=
الرد\ابوتركي=
اما انا تابعت لعب انجلترا والبرازيل=
تكتيكهم يختلف ماهو كما منتخبنا=
ولعب الاهلي ولعب الاتحاد السعودي=
اغلب مباراتهم تلعب بليا تمارين=
كثير الاهداف ماتتسجل الا بدولي=
+=
+=
البدع\علي السبيه=
اثر القصايد تجي مابيننا باالتداويل=
وانا متى سار ابوتركي معه ياخ ساير=
والنمريعدي على الغزلان ويسوق عادي=
ومن طلبني معونه لابدا العلم لا اعين=
لونختلف بين طعم المر و الاحتيالي=
+=
الرد\ابوتركي=
أي سوق الاسهم بدانا ياعلي بالتداويل=
كم ناس راحو ضحيتها وياما خساير=
بعض العرب لو شرى وابتاع في سوق عادي=
ما كان يضرب بكف ايده على الراس والعين=
راح الغلا ياضحايا النصب والاحتيالي=
+=
+=
البدع\علي السبيه=
رمتني القارعه مابين ظلمً و تعديل=
غديت مثل الغصون الضاميه والضماير=
مامات بدعي في المعنى ولامات ردي=
لحالي ارد وابدع في قصيد المقفين=
اثارهم يرقبون انهايتي و اعتزالي=
+=
الرد\ابوتركي=
انحن في الهجره ضعنا بين ميلن وتعديل=
مابين سود القلوب وفاقدين الضماير=
يارب لاترحم المحتال الا مات ردي=
وانا نويت التفت لا علامكم يالمقفين=
وبعتزي للمخالف لو بدا واعتزالي=
+=
+=
البدع\علي السبيه=
تلَيتني للخبوت وقلت لي في العرى قيل=
والله لغرتني ايام الصبا لين شبنا=
بغيت اشب القبس واوقد جمرها وقيدي=
لا تتعبون القلوب العاشقه يا مونين=
ولا تسيرون فوق الهول وعلى مهالي=
+=
الرد\ابوتركي=
يابو طلال أعدموا صدام رغم العراقيل=
والشيعة يقلون ماشي مخرجن لينشبنا=
على المنصة هبو فيده كلبشه وقيدي=
استعجل الشيعة في قتله ولاهم مونين=
قضيته جتبها الاخبار واعلامها لي=
+=
+=
البدع\علي السبيه=
ياهل الغلا و الوفا لاتقطعون المواصيل=
ولا يعود علينا با العتب من سمحنا=
بين المصدَر من ايام الزمن والوريدي=
وان عابت ارض الهدى والباحه والليث عابين=
اخفى علىَ الاسامي كل من سمها لي=
+=
الرد\علي السبيه=
لاتحسبون الحناشه كل ابوها مواصيل=
من يلقصه بوطفا لاتحسبه من سم احنا=
بعض المعاني تسم قلوبنا والوريـدي=
اسقيتم القلب يااهل الغيض سم الثعابين=
جابو جميع الحناشه وولفو سمها لـي=