الى الشاعر احمد مطر

يامرحبا وأهلا وسهلا ملايين بابوطلال وطاريه أبرك الساعات اللي اتشرف فيها بالرد على شرواك والتحيه موصوله لكل من مر على رائعة السبيه وأثنى بما تستحقه قصيدته الرائعه واقول له صحلسانك ملايين وتقبل ردي المتواضع جداً اللي أتمنى ينال إعجابك ياأستاذنا الغالي

الرد:

يامصغر الدنيا ويامكثر اسرار الحياه
عرفتها من كثر ماجا عليّه من وقوت
يانون عيني في عجايب زماني وش ترا
لاتامن الدنيا خطرها على مر ّ العصور
الله يامقرب هناها ومرّ اوقاتها

ابو طلال ما يكفينا منكم وفنكم الا قارعه قارعه ولا لكم عذر وعلى راحتكم

ان شاء الله كل يوم قصيده بس نبي الفايده والمتعه من شاعرين كبيرين

حياك الله أخوي هاوي الشعر وجودك معنا وتشجيعك لنا هو الحافز والداعم لنا ومشكور على مرورك الرائع
تحياااااااااااتي

صح لسانك ملايين ياشيخ احمد رد وافي من شاعر وافي
واتشرف بمجاراتك وانا المستفيد من قصايدي معك واشكر
كل من شرفنا بمروره الكريم ورده الطيب كلن باأسمه

البدع:علي السبيه=
.=
قالو ظلام الليل ما يتعب الا من سراه=
في المزرعه ياصاحبي لا حرثت ولا خبوت=
والجود عند اهل الكرم والضيافه والقرى=
والكون واسع والفلك له مدارات(ن) ودور=
ما كل ليله نهتني نومها و ابيوتها=

صح لسانك ملايين
واعذرني على التأخير واقبل منّي هذا الرد المتواضع جداً وان شاء الله انه يعجبك
الرد :

سبحان من فرّق عباده على تهم وسراه
توسّع العمران من بعد ماكانت خبوت
ألين ضاع الفرق بين المداين والقرى
حتى ديار البدو ظلـّى بها اسواق(ن) ودور
وهي من اوّل تنقل اظعانها وابيوتها

تحياااااااااتي

ياسلام عليك يااحمد صح لسانك ملايين على هذا الرد الوافي
ومعذور على التاخير وان كان انك مشغول نكمل المحاوره بعدبن

البدع:علي السبيه=
.=
السيل قبّل للثمر غيث يوم انصب وجاه=
وخايف اتعرّض لمدقال سيله والبشوت=
في جرّته شال الحجر والشجر والمادرى=
من بعد ما شتّت خيام البوادي والوجور=
وايقظ هل الراحات والنوم من سبّاتها=

تا بعنا الابداع والحكمه تجلت في شعر المبدعين احمد وابو طلال

نعم سيبقى شعر الشقر رضي من رضي وزعل من زعل ( اهل القلطه والسامري ___ وغيرهم

بدع ورد وش اقول والله انكم تستاهلون كل خير انتم مبدعين كالعاده ولا يحتاج كلامكم على عيني وراسي ...

إلى كل من شرفني بردوده الرائع أخي هاوي الشعر وأخي رياض لكما كل التقدير والإحترام
صح لسانك وبدنك يأخي أبوطلال على هذا الإبداع الذي لاتجاريه ردودي البسيطة عليه
ولكنني أتمنى أن تعذرني على التأخير بسبب قلة دخولي على النت لظروف يعلم بها الله ولكن إذا شاء الله سبحانه سأطلعك عليها في مقبل الأيام
وتقبل ردودي ولاتحرمني من هذا الشرف الكبير في الرد على مثل هذه الإبداعات ولنجعل هذه المحاوره محاورة الحكمه والرقيّ

الرد :

لاشفت بعض الناس ظنيت له منصب وجاه
من زايد الزعمه ونقل المسابح والبشوت
وهو لك الله عن علوم الشياخه مادرا
أستغفر الله مبغي آزلّ في قولي واجور
أهل الزعامه مامعي فود من سبّاتها


وتحيااااتي

صح لسانك وعلى شانك ياشيخ احمد يامبدع الابيات والمعاني
تشرفت بمجاراتك وانت شاعر تشرف كل من يقصد معك والى
ان نلتقي ان شاءالله في صفحه ثانيه