اجراس

في حياة الناس غفوه واهفوات=واحتباس ايخلي العاقل جهول
تعتريه المسكنه وايقول هات=وتعتريه المكرمه و ايقول قول
و كل نوماسن يبارى بالثبات=والمكارم نجمها ما له ا فول
بذرها دايم وجوده كالنبات=كل ما غيثه يغيث ايزيد طول
والغثيث من المشاعر والصفات=يشترى ويبيع في كل الاصول
دعوة انفوسن لخيلً مسرجات=سوقوها للمزايد والحمول
لبسها زايف مع اطبول الدعات=وانهماكات الهوى عرضن وطول
لا حيا يجدي و لا فيهم ثقات=كل داعي ينغزه شيطان مول
كن في راسه صهيل الصافنات=وكنهم في حلبة اصراع العجول
مشعلين النار فالارض النبات=والفراش اللي حواليها يجول
و العوامل و الدوافع حاضرات=في زفاف ابليس رقاصه خبول
ياحياة ن ما تشرّف من حيات=والمزايد كم يرخص من عقول
عشقة التقليد في عصر انفلات=انست المسلم تعاليم واحلول
و الغموض اللي يظللها فوات=ساكت و صايح لذول وخل ذول
اصبح الظاهر بعكس المبطنات=والموازين اصبحت فيها الغلول
قالوا اللي اختشى اظن مات=قلت هذا الدين لايمكن يزول