إنتظر جيّتك .. وأتحرى وصالك=آآه أنا ياما تحرّيت الوصال
ماصفى وقتي..ووقتك ماصفى لك=والليالي .. لعن أبوها من ليال
واعذبي .. طحت مابين المهالك=ماأقدر آشوفك .. ونسيانك محال
إتصل فيني ..وقلي كيف حالك=ويش تخسر يوم تسألني سؤال؟
ياحلا روحك.. وياروعة جمالك=إنت مابقّيت للعالم جمال
ماذبحني فالغرام الا دلالك=لاتهبّل بي .. يكّفيني هبال
ياحبيبي .. ياعسى الدنيا فدا لك=من حدود أرض الجنوب إلى الشمال
سَوّ ماتبغى .. ونفّذ ماطرا لك=وأعطني توجيه..وأضرب لي مثال
ما لحد غيرك تصرُّف في حلالك=كل ماسوّيت فالمبدع حلال
قبل مايرتدّ طرفك من خيالك=وقبل توصل مسمعي كلمة تعال
ماتحسّ الا وأنا واقف قبالك=راسم الواقع على وجه الخيال
إنتظر جيّتك وأتحرا وصالك=آآآه أنا ياما تحرّيت الوصال
***

على اسمك مبدع
صح لسانك واعتلا شانك ياشديق ابداع بمى تعنيه الكلمه ماخرجت هذي القصيده الا من القلب باين من صوتك غمززززة
تقبل ودي واحترامي

المبدع
صح لسانك وسلمت يداك كما عهدناك حضور مشرف

تستاهل بيرق الشعر العلم الاخضر

صح لسانك ملايييييييين مبدع يامبدع