%%% (( إنتظر جيّتك ))%%%

إنتظر جيّتك .. وأتحرى وصالك=آآه أنا ياما تحرّيت الوصال
ماصفى وقتي..ووقتك ماصفى لك=والليالي .. لعن أبوها من ليال
واعذبي .. طحت مابين المهالك=ماأقدر آشوفك .. ونسيانك محال
إتصل فيني ..وقلي كيف حالك=ويش تخسر يوم تسألني سؤال؟
ياحلا روحك.. وياروعة جمالك=إنت مابقّيت للعالم جمال
ماذبحني فالغرام الا دلالك=لاتهبّل بي .. يكّفيني هبال
ياحبيبي .. ياعسى الدنيا فدا لك=من حدود أرض الجنوب إلى الشمال
سَوّ ماتبغى .. ونفّذ ماطرا لك=وأعطني توجيه..وأضرب لي مثال
ما لحد غيرك تصرُّف في حلالك=كل ماسوّيت فالمبدع حلال
قبل مايرتدّ طرفك من خيالك=وقبل توصل مسمعي كلمة تعال
ماتحسّ الا وأنا واقف قبالك=راسم الواقع على وجه الخيال
إنتظر جيّتك وأتحرا وصالك=آآآه أنا ياما تحرّيت الوصال
***

ملاحظه : القصيده موجوده بالصوت في التوقيع ..ووورد