الهمس

شدني ماقاله الهمس عينً شارعين=
غير انا باقولها صادقً يا من حضر=
جيت والا غبت والا انتهيت من الوجود=
منت من نقالة السيف والا المحتجينا=
انت شخصً للحلاقه يولم شاربه=

على القوة اخي الكريم

صح لسانك يامشعاب لين يلين القاسي إبداع وإن ماخاب ضني إنك واحد في خاطري...

صح لساااانك يا مشعاب
وفي انتظار الهمس
شكلها ابتكون محاوره خارج الحسابات

الليل يالهمس
مشعاب بدع ارض ارض جو
موفقين

وش ذا العلم ياشاعر صح لسانك لكن الله يعينك على الهمس

البحر هايج واشوف الجهالا شارعين=
الخطر قدام بدو الصحارى من حظر=
كني اشوف الدما عالجبين امن الوجود=
باقي الي صفقوا له يقولوا المح تجينا=
كان ما تدري ترى الخمر يولم شاربه=

الله الله يالهمس

اشي علوم
تنبأت ان المحاوره ستكون ناريه
انتبهو بس
ترون خلف الشفا نقاده

الهمس وش ذا العلم كله
ردود ناري حسبك الله
واصلو لاعدم يالنشاما

لاوالله الا ولعت المحاورة صح لسانك ملايين يا الهمس
على راي الهمس انحن هنيه مسنترين ومشجعين