مرو علينا

هذه القصيده اخر اناج علي السبيه الغلبان
ان مريتم مشكورين وان طنشتم مشكورين

ياناس ياغاليين وش هذا الجفا=مرو علينا واسعدونا باالمرور
مروركم يغني وعن غيره كفا=مروركم غاية مرادي والسرور
اوفو مع اللي في محبتكم وفا=ولا تزيدون القساوه والغرور
اكتب وطرف القلب صاحي ما غفا=وانثر ورود الحب ما بين السطور
باقي على الاشواق قلبي ما هفا=والشوق ما يستحمله غير الصبور
الشعر مثل البرد والمعنى دفا=والسطر مثل الليل وحروفه بدور
لو ما يكون الشعر للغالي لفى=ما طاعني نضم القوافي والنثور
وغاب نجمه عن عيوني وانطفا=وغار ما بين النجوم اللي تغور
تضهر بيوت الشعر والمعنى اختفى=بين الضلوع العوج الى يوم النشور
ياللي بكم شعري تغنّا واحتفى=انتم له التيجان واوسام الصدور
خلاصة المعنى لكم شعري صفا=لغيركم ما نجبر ابياته جبور
الله يحميكم بجاه المصطفى=من عين عذّال المحبه والشرور