@@@ عشـــــــــــــــــق بدويـــــــــــــــــــــــــــــــــــــــه @@@

قضيت البارحه سهران وانعي قلبي المسلوب=وليل المبتلي يامطوله يمضي على هونه
وعيني حاربت طيف الكرا وامسى الحشا ملهوب=وخطواتي على عثراتها ماهي بموزونه
اهوجس راح من ذا الصوب وإلآ راح من ذا الصوب=انا مجنون وإلآ جملة الافكار مجنونه
تعبت وهدّني التفكير لكن جاء منه مندوب=يقول الحيّ لاتبكون له وإلآ تعزّونه
أنا دوبي تذوّقت الحياه والزاد والمشروب=على ريف الشحم والبن الاشقر ضيف مزيونه
ترى اللي ماعرف (عشق البدو)ياصاحبي منكوب=حياته مالها داعي ولا قبله ولا دونه
اصاله والطبايع غير والبرقع وشكل الثوب=وثقل ومنطقن حالي وله ناس(ن)يجيدونه
بنات اليوم ساقتهم حضاره وجهها مقلوب=وهي باقي على عاداتها شيخه ودندونه
غرامك يابدويه غاية المقصد ولي مطلوب=رفيعة شآن عن قول الردي والنذل مصيونه
مشاعر صادقه ماقلتها مكره ولا مغصوب=بعيده عن مجرّد شعر لجل الناس يقرونه

وسلامتكم