لأنكم أيها الرجال لا تعدلون ! غالبا ً

السلام عليكم ورحمة الله
قصيده معبره وجميله ودفعني جنون اعجابي بها لنظم هذه الأبيات على قافيتها
لك التحيه على نقلها لنا هنا

هذا القدر والشرع يابنت مسنون=والعاقل الي مخلصٍ بالعباده
اشوف حوا تنثر الشعر بغبون=ما اظنها باليل تهنا رقاده
اابو العيال اقفى مع الي يقفّون=وده بمن يغدي فراشه زناده
ام العيون الي بها اوصاف وازيون=شاف الحلايا وانبهر بالزياده
لا شب ضوه قام يشعر ومفتون=وان قال بسري ولعت له زناده
يمسي ويصبح بين ؟؟؟؟مدفون=سارت نصيبه واصبحت له عباده
لا قال للسكان قوموا يلبون=كلٍ مجهز عدته في عتاده
حتى لسانه بعد ما كان مدفون=انفك من همه وحل انعقاده
غدا مع العشاق والي يغنون=قلبه على المزيون يشعل وقاده
وانفك من سجنه وسوى له احصون=وفك من رجله بيده قياده
نصب سياج العرس والناس يبكون=له الفرح والهم هموم النكاده
كل يلوم العود وايقول مجنون=والعود عايش في ربوع السياده
كنه تحرر بعد ما كان مسجون=كنه مجاهد وانحرم ما الشهاده
قولوا لنورا هدي الهم وايهون=عيشي حياتك واهتني بالركاده