الى صليب الراس

يا بشراك يا أبو محمد

اتشرف بالمحاورة معك ومع أبو طلال

يالله حيهم جميعا .. ابو احمد البدع عندك لاتبطي علينا ...
الرد

لا عاد تقطع حبال الوصل لا منتهينا=
خير اول الدرب يالمحبوب شر انـتهــى بي=
والقلب ياما نهيته غير عيا ولا تاب=
والله اني اشوف موتي في عيون المعزين=
واخاف عيني تسابقني ترد العزا له=

حياكم الله جميعاً

وأبشر بي الين يوصل علي

راسك حامي يا أبو محمد

استلم لا هنت

الشرّ قصّر مدارج خطوتي واكتفينا=
من بعد ما كنت اشيل البندقة والجنابي=
ارقى الجبال النوايف واحتجي كل مرقاب=
واليوم كلٌ يقل خلك على العلم والدين=
الله يعينك على الدنيا وحالتك حاله=

صح لسانك يابو احمد .. استلم يا شيخ
الرد

خلصت يا اهل الهوى من شرعكم واكتفينا=
لا اعفيت يا قاضي الحكم الخطا والجنا بي=
بالله يا اهل الهوى من كل شاهد ومرقاب =
قولوا له انه دواء روحي وانا من المودين=
واخاف دمعة وليف الروح حالت كحاله=

يا ليل الدهوش

عندي يا أبو طلال

الحــــــق واضح ولا يحـــتاج له مدعينا
الليلة ودي نشوف التـــابعي والصحابي
ياسيدي كــل وادي له سبــــاعٌ وله داب
وله وحوشٌ تحرّى الذاهبه بين ضلعين
آخـــاف تتربّص الغافل وتقطع وصـــاله

الله عليك يابو احمد ..صح لسانك
الرد

با الله رد النظر صوبي ولي مد عينا=
وارفق على قلب من حبك وله وص حابي=
لا تشغله وانت ساكن بين رمشه والاهداب=
والله اني ادرى خطا المحبوب واغمض العين=
واخشى الليالي تعاديني و تقطع وصاله=

لله درّك في هذي الردود المحكمة
وخذ هذا البدع الين يجي علي

يا بو محمد كرهنا صحبتك وشنوينا=
ما ودّي أعطيك جملة غامضة من كتابي=
ودّي تميّز لنا من هو اللّي أخطا ومن صاب=
تبغي تكافح وتحمي موقفك وانحن اثنين=
والله لترضخ وتسلم يا فتى بالرساله=

الله الله .. لا تجورونا علينا ترى ما ودي اسري بكم
الرد

العلم لله في قلبي لكم وش نوينا=
لولاه حق المُعاهد ما احترز من كتابي=
لبدي بعلم ٍ تعود منه ملذوع منصاب=
واردكم مثل عود في يميني انحنى اثنين=
قدام يمديك تتهجا حروف الرساله=

يا مرحبا تراه ردّ صليب الرأس وننتظر بدعك

ماعليش ياسيدي وهذا بدعي

البدع

سرى بنا الليل ياالاصحاب والنوم جانا=
من بعد هد التعب حيلي وليلي سرى بي=
ماعد لي قدره اسري الليل والنوم غلاب=
والود والحب والتقدير مابيننا بين=
اشرق علينا الفجر والليل غادر هلاله=