اللي مايتفرج مايشتري

الاخ الغالي ايو فارس اشكر لك هذا البدع وحقيقة الرد اتمنى ان يكون عند حسن ظنك ،، فاستلم الرد

اي الغشيم الذي مايعرف الصقر يشويه

ياما غشاما بدوله بالمعابر وشبوه

وان كانها تعجب الاعمى قيادة يدانا

غيري تعب يرشد الاعمى والاعمى يتله

وتقبل مني التحية

الله على الفارس والباسل الذي يشبه للمهاجم المحترف الذي لا يدع الفرصه تفوته عوافي والله

أستلم يابو خالد

البدع:

الفيل مايشتكي إلا جور نابه ونافيــــــه

نابه خذوه الهنود الحمر من بعد نادوه

حت الدراهم تناظرها ورى الكمر بينا

ياليت من يعرف اللي باعها ونتقل لــــه

الرد

ما دمت جنبك فلا يلحقك زحمه وانا فيه

ماني كما اللي يقفي فالموقف(لا) نادوه

ياللي غشيم انتشد عن ربعنا كم ربينا

ذا غافل(ن)علمه لوينتشد وانت قله

الأخ الباسل أنا أشهد أنك شاعر . يعطيك العافيه

الأخوان اللساب وأبو خالد الحقيقة إني كنت بأشرد عنكم وأدور لي متمعرفه على قد حاليه ولكن وش نسوي بكم عموماً مرحبا بكم وأتمنى أن تاخذون قصايدنا من السطح ولاندخل في متاهات

أستلم عزيزي الباسل

من يقرب الكف صوب النار والجمر كاويه

أنا أعرف أن الذي صالو لضى الجمر ماتوه

الله وأعلم على من يضحك الشامتينا

ومن رضي تستر أجنوبه ثياب المذله

مع التحية

الاخ الفاضل الفارس شد حيلك وانا معك

تعتبر شاعر هجومي وانا جري

اشكر اللساب على مروره الكريم والمتواضع كما اشكر ابوخالد على الكلام المنتظم الصادر من شاعر .........

استلم الرد يا الفارس

ادري بما يكسب التجار والجمرك آويه

واعرف لجمع المكاسب ماتعيما وماتوه

واللي مورد على الميناء من الشام تينا

ماحد مصدر محاصيله وماحد مذن له( يعطيه الاذن)

ا لرد الباسل

استلم يالفارس

يابن خولان من في الناس تلغي مصافيه

في بيت الاجواد سووا له دلال وحلوه

وواجب الضيف ياذا مكرم الضيف دينا

قدم له البن صافي والمغر اسحقوا له

(( معنى المغر يقال غرة الشي اي اوله . وكذلك الغر المحجلين ))

الله يعطيكم العافية على هذا الكلام الطيب

وهذا بدع

الحب يحكم ونفذنا لحكمه وفرضيه

والقلب ياناس فايد اللي على الجمر صلوه

مهما فتلنا حبال الحب لها منقضينا

والحب ما حرمه ربي ولا تلحدو له

وهذا رد ولا يهمكم

ياللي تقل ما فضيت اليوم صليت فرضيه

لا عاد تشغلكم الدنيا عن الفرض صلوه

يمكن يجينا القدر وانحن بعد ماقضينا

ما عاد ينفع دعى اللي في القبر يلحدو له

أخي الباسل

الحمد لله على السلامه وعزائنا أنك أستمتعت بغزلة الشباب هنيالك . وبالنسبة لتعبك على الرد كان رد يستاهل التعب الله يعطيك العافية منيت المتمني بالرغم أني أتعب نفسي لكي ترتاح في الرد ويمكن تتعب معيه شويه لأني متمعرف منك السموحه.

استلم يالباسل

نقدر نَمِرّ الحلاوه والذي مُر نحليه

من غير مايلحق الصاحب عتابٌ وشاروه

الكلمه الطيبه تغنيك عن كل فتنا

ما دور الفتنه إلا كل تعبان حاله

وسلامتكم مع التحيه

وش هذا الابداع ياشباب

صحت السنتكم

حبيت ان اشارككم في هذي القارعه الرائعه فعلا واللتي بداها الاخ الفارس بهذه القصيده والمعذره على القصور

البدع

بعض البشر دربه اعوج ماعرفنا مداويه

ياما شددنا وتد حبل الموده وراخوه

قولوله ان كان يرضى لو حلفنا يمينا

اقسم برب السماء والارض ماجاه زله

وســــــــــــــــــــــــــــــــــــــــــــــــ ـــــــــــــــــــــــــلامتكم

سلمت وصح لسانك واستلم الرد

المشكله في مريض(ن)ماعرفنا مداويه

ما فاد فيه الدوى حتى بالاعشاب مرخوه

ما حصلو له علاج(ن) من يسار اويمينا

هو في حرى ساعته حتى الكفن جاهز(ن) له