يافكر لا تجهش !!

يا فكر لا تجهـش عـن القـاف وتـروح=خلـك معـي ساعـة لنـظـم القـوافـي
مـا دامـت الأفكـار قــادح ومـقـدوح.=قـم صبهـا مثـيـل بــن المصـافـي..
دلة من الرسلان مع خشمها تفوح=يقندبـهـا رأس الشجـيـع السـنـافـي
تجلـى عمـاس الـراس وأداوي جـروح=وتــرد عـلـم مـورديـن الـمـلافـي
من شاعرٍ ما لـه مـع الشيـن مصلـوح=ينـقـى المـهـار الطيـبـات العفـافـي
يفخـر بهـا مـن بيـن مـادح وممـدوح=ويجـزع بهـا نهـرٍ بعـيـد الضفـافـي
ويرقابهـا للـعـز وللمـجـد وصــروح=صـروح ذات الشـعـر يـامـا تـوافـي..
دام الشـعـر للنـقـد لازال مـطــروح=اعجـز بهـا اللـي يـدورون الزيـافـي
لان الليالـي تعـطـي دروس وشــروح=مجـان ويـن أهـل العقـول النضـافـي
اساير اهل الطيب واللاش منزوح= وعد الرهى ياهوه معروف صافي
يمسيبها شيخ العرب جور مذبوح = من كفي اللي في المواقيف ضافي
اللي تحدى الصقر بيموت مجروح = وسمي على وجهه ولا هو بخافي
أنا أفعل المعـروف مـا أحاسـب الـروح=امشـي قـدم مـا طبعـي أنظـر خلافـي..
ولا ريـت نـارٍ زادهـا سلعـة الـلـوح.=ادري إنهـا بتمـوت مـا هـي بتـافـي..