مع التحية للعزيز ليل الوعد

سموا عليه بالرحمن هذه الابيات ليست الامحاولة في الشعر النبطي فانا لا اجيده ولكن اخي الشاعر الكبير ليل الوعد صاحب قلب كبير وسيتحمل هذه الشخبطة وانتم ايضا سامحوني مقدما

ليل الوعد جتنا علومه بلا خلاف = وكل علمن ينفهم من كتابه
ياللي رقى روس المعالي والانياف = لو الذهب بين الحفر ما رضى به
ما يلتبس فوق المتن ثوب شفاف = لاقام كلن يفتخر في ثيابه
مافوق علمك يالخوي شي ينضاف = بيني وبينك والضروف اتشابه
ياللي تراقب ناس واجناس واطياف = من تتركه منهم ومن يعتزى به
ابشر بنا في كل صعبه ومكلاف = حوض المنايا نورده ما نهابه
ولو تبي منا شيوخن وعراف = نسايس الجاهل وتهدا اعصابه
وللرقاب العوج سيفن وسياف = نغدي ديار القوم سلب ونهابه
والله ما صاب الهدف غير هداف = بواردي والبندق اتقن صوابه
والنمر قبل يطارد الصيد كشاف = قلب الفريسة ينتهي بمخلابه
وختامها صلوا على سيد الاشراف = عداد ماهل المطر من سحابه

وسلامتكم