فراق

اتمنى ان تحوز على رضاكم
لكم مودتي واحترمي
اخوكم ابونايف

مصيبه لاتنفسني حبيبي ثاني الاكسيد = خنقته والصحيح انه خنقني يوم يزفرني
بعد ماكنت له اكسجين الكون بالتحديد= يفاجئني يقول اتنفسك وانته تعكرني
دريت ان الفراق اقوى قريب منك وانت بعيد= عجزت اصبر مادام انك عجزت بشوق تصبرني
يقولون الصبر مفتاح واللي زادها تأكيد = عجزت القى له المفتاح بيبان ً تعبرني
انا ويني به الايام ماقد ذقت طعم العيد= مع اني صايم ً طول الزمان ومن يفطرني
على حبك بديت الصوم وبفطر في فراق الجيد= وبتقهوى من كفوف الزمان اللي تمررني
يصبح غيمي البسطه ويمسي ليلي التنكيد=وتتلاعب مساراتي مع نجم ً مهاجرني
وذيك الريح ما تقوى تحرك ساكن التبليد = وذاك الشوق ما يقوى كسورً فيك تجبرني
انا لامات حبي ما اشيع خافقه تقليد = حرام اني لخلي ميت الاشواق يحضرني
كذا يعني مصيبتنا ولا ادري منهو الاكسيد = ولكن لاتنفستك اكيد انك بتقبرني

القصيده للشاعر النادر الصغير

الله عليك ابداع
صح لسانك واعتلا شانك
دائما مبدع في نصوصك وهنا متفرد ..
يعطيك العافيه على القصيده الرائعه ..
باانتظار جديدك الرائع ..
لاهنت ......

عـوافي اخي

صح لسانك أخي

قصيدة رائعة بكل المعاني حتى في موضوعها وروعتها

صح لسانك يانادر فعلاً أنت بهذا الإبداع نادر ومتفرد
أبدعت وأمتعت

تحياتي