واقول يا قاضي احكم بالنقا والعدالة

بسم الله الرحمن الرحيم

أولا أنا كلي شرف أن أنضم لكم في هذا النادي العريق , وأن أكون بينكم كي أستفيد منكم , وهذه أول مشاركة لي بهذا المنتدى الرائع بمن فيه ...

هذه قصيدة على طرق اللعب , وهي مجرد محاولة مني وأنا لست بالشاعر ولكن تقدرون تقولون "متمعرف" !!
عموما آهي على ارجول واحدة , وأتمنى من أحد الشعراء الرد عليها ...

الله من علة(ن) فـ القلب عيّت تهوني
حسبي على من حرم عيني تشاهد عيونه
حتى لذيذ المنام اصبح عسير المنالي
باشكيه للمحكمة واخرج بعهد(ن) وميثااق
واقول يا قاضي احكم بالنقا والعداله ....

وسلامتكم ...

الله يحييك تراحيب الغلا ياالمحارب وصح لسانك وانحن
كلنا نتمعرف واسمح لي بهذا الرد المتواضع وان كان
مااعجبك فلك حرية الحذف

الرد:علي السبيه=
.=
ترى المحبه على اصحاب الهوى ما تهوني=
يزهيك نبع المحبه لو تشاهد عيونه=
ياكم تمنيت لكن ما يفيد المنى لي=
حبل الرجا والموده بين الاحباب ميثاق=
واللي يدوّر رضانا ما نرد العدا له=

محارب
علي السبيه

صحت السنتكم يا المطاليق

حياك الله يامحارب وصح لسانك على البدع الرائع...

صح لسانك يابوطلال على الرد الجميل والعذب ...

صحت السنتكم والله يعطيكم العافيه يا النشاما

الله يوفقكم

الله يا علي السبيـّــة .....

واللي يدور رضانا ما نرد العدا له .....

أستاذ ..
الله يبيض وجهك ويعطيك العافية ....
صقر الجنوب ,, عاشق المها ,, والفضيلي ,, لا عدمناكم ...

لي عودة ان شاء الله ...

البــــــدع :: محـــــارب ::

الله يستــــــر مــن الحسـّـــاد ما يلمـــزونــي
خصوص لا مــن قـروا ما قد كِتب لي بدونــه
يارب تعطينـــي الحظ والفـُقـُـــه والمجالــــي
وارد لك يا السبيـّـــــه ما كتبتـــه بالاوراق
ياصاحــب العِــرف والمعروف واهل الجــزالة ....

الله الله

محارب

السبيه

صحت السنتكم وابدانكم واصلو الابداع والكم الف تحيه

صح لسانك يا محارب واشكرك على كلامك الطيب ياطيب
ويشرفني مجاراتك والى مااعجبك الرد فلك حرية الحذف

الرد:علي السبيه=
.=
ابتبرد الارض الى من هل ماي المزوني=
وانحن هل المدح والله مابنحيا بدونه=
ياصاحبي جالت الاقوال والعلم جالي=
يلين قلب المعذّب لا بلي من بلا اوراق=
كلن بقدر العمل والنيه يلقا الجزاء له=

عافاك الله , ولست أنا من يحذف أو ينتقد أمثالك فأنا أستفيد منك بارك الله فيك ....

الــبــدع :: محــــــــارب ::

علي وانا اخوك كم في داخلي شي غبــونــي
والقلــب من مـابــه ابتــدا يبيّــح سُـدُونـــــه
والقهْـــــر كسـّــر مجاديــفي ودمّــر رحـالــي
كُــثُــر بذا الوقت حـَـسّــاده وقطـّــاعة السـّـاق
اللــــه لا يبـتــليـنــا بالــذي بــــه جهــالـــة