(( دفنا جثته عاري ))

ألإهداء لها و لمن على نهجها
لكم انتم و لنقاءكم كتبت هنا
تقبلوا ودي

خسرتك يالغلا اللي كان ينبت في ثراه الورد =وداعاً مو مهم أنك تعرفين آخر أخباري
تحطم جسرنا المبني بدم اعروقنا وانهد= وانا و انتي و بس ندري من البايع من الشاري
وطفل(ن) عاش ست اسنين و توفى بسن المهد =تناسينا نصلي له دفنا جثته عاري
تعبت اشرب مراراتك واصب على شفاك الشهد =تعبت اطفي قناديلك واشب من الظمى ناري
و قررت ابتعد مجبور افضل عن دفاك البرد =تخيرت اصعب الأمرين وانتي كيفك اختاري
فقدتك يالغلا والله إذا كنتي تبين الجد =احس اني فقدت الروح واصدق حلم بفكاري
بعد ماكان في قلبك وصوف الطيب ما تنعد=من اللي علم القمرى تسوق الليل للساري
ومن داس الشموخ اللي معي ما كان يوصل حد =جذوره في شراييني تطول و تشرب اشعاري
غيابي دنس التربه و كربك لو حكيت أشتد =عتابي سيف من قسوة سكوتي يكتمل ثاري
وش اللي يرخص الغالي وهو بالقلب ما له ند =سوى ليمن غدى قصه قصيره تعجب القاري
و انا جنبك زرعتك طهر و احبال الوفا تمتد= ما بين الليل و اكفوفي شذاك يعطر اشجاري
و لما طار من صدرك طيورٍ غردت بالود =و شمعك مات في صدري و نحلك يبكي ازهاري
وقررت ابتعد والقلب ما بين الوله والصد = وعشقي مل من صبري و وقف مركب اسفاري
خسرتك ما خسرتيني أعرفك تعشقين المد =يبلل شاطي احزاني ويجتث اجمل اعذاري
رحلت و في أمان الله ما بيني و بينك غد= على معزوفة أخر ليل اغني واعزف اوتاري
وداعا والله يسامحك يوم انك نثرتي الورد=و شمه غيري و حبه و حبه ناس بالطاري

يا صباح الشعر
قراتها وكأني لم أسمعها من قبل
دمت شعراً
صح لسانك ملايين

صح لسانك ياأستاذ خالد

مبدع كعادتك عسى الله يوفقك

ابدعت يا خالد يا منبع الابداع صح لسانك ملايين

ياسلام ياسلام

ابداع ياخالد

اسجل اعجابي بصمه ثابته
لمنبع الابداع
وانا من المتابعين لشعرك

صح لسانك ودام احساسك المرهف
مع اطيب تحيه وتقدير

شاعر مبدع وقصيدة رائعة صح لسانك وبدنك على هذه الرائعة

وداعا والله يسامحك يوم انـك نثرتـي الـورد

و شمه غيري و حبه و حبه نـاس بالطـاري

وداعا والله يسامحك يوم انـك نثرتـي الـورد

و شمه غيري و حبه و حبه نـاس بالطـاري

قصيدة جميله تعبر عن معاناة يعني من الألب خرجت سلمت ياخالد

أخي العزيز خالد بن جلسة أعذرني إن قلت أني مقصره في معرفت شاعر مبدع مثلك لاول مره أقراء وأتذوق ابداع الكلمات في قصيدتك الرائعه.
لك باع في القصائد من خلال ردود أخواني الاعضاء واتمنى أن لا تحرمنا من تنزيل قصائدك في المنتدى .
وهذه القصيده على قد كلماتها المؤلمه والمحزنه إلا أنها إبداع . صح لسانك ملايين
لا عدمناك وننتظر شعرك الراقي.....أختكم بحوور

أخي الشاعر / خالد بن جلسة
يعطيك العافيه على هذا الابداع والقصيدة الرائعة وصح لسانك وفي انتظار جديدك .....

سيدي الهجير
يشرفني ان تكون انت اول ناقد اول موجه اول مصحح اول اول بل الأول في كل شي
سيدي كلي إجلال لك
كن بخير
و دمت لي كما تضن بمكانك هنا