قرشد بنكهة الفكس وابوفاس

يقول قرشد بعد همّا و هوجاس= فيض المشاعر دايماً يتعب النفس
إن كان ريح الورد ينعش بالأنفاس= ما فك من وسط الحشا قبضة الخمس
ابستخف الدم واضحك مع الناس= واساير الدنيا مع الجن والأنس
يا اهل القهاوي بنّكم وسط محماس= لا تحرقون البنّ من كثرة الحمس
مزاج قرشد يعجبه ريح ابوفاس= وكيف راسه تقعده ريحة الفكس
ياليتهم سمّوني اهلي بـ(عفّاس ) = واقضي حياتي كلها عفس في عفس
يالربع كنّي ماضغاً قرن بسباس= والا كما اللي غص من لقمة الخس
احلام عمري مالها حد وقياس= والمشكلة حظي تصاحب مع النحس
احلم وأنا قايد برتبة ونوماس= وكل من حولي خدم مالهم حس
واحيان ريس لي مهابة ولي باس= وريس امريكة معي كنّه البس
واحيان احس الجسم ما يحمل الراس= واصحى وفي وجهي كما لكمة البقس
قالوا تعود القدس لاباس لاباس= ومات ابو عمار ماعادت القدس

وسلامتكم يالربع

أخوكم/ قرشد

عجيب والله كلام رهيب بنكهة الفكس تقبل مروري قرشود

تصوير عجيب ياقرشد وصح لسانك ملايين

قالوا تعود القدس لابـاس لابـاس
ومات ابو عمار ماعـادت القـدس

هذا البيت خطير

فهد قزعة: شكرا يا الحبيب على مرورك لقد اسعدتني ربي يسعدك ... لا تدلعني وتقول قرشود انت توحي يا فهودي
علي السبيه: انا فداك ياعلي .. حفظك الله ورعاك

صح لسانك ياشاعر فعلا كلام عجيب

قالوا تعود القدس لابـاس لابـاس

ومات ابو عمار ماعـادت القـدس

اسعدني مرورك اخي الحبيب صقر الجنوب
حفظك الله ورعاك

صح لسانك قرشد على هذا الإبداع والتصوير الجميل ....

شكرا جزيلا مرحبا عاشق المها= وعسى المها ما تنفلت من عشيقها