المشاعر

بين المشاعر تناغم رغم كل الظروف=انفاسنا تلتقي رغم ابتعاد المكان
معاندين المشاعر والقلوب اللهوف=وامسايرين المكابر رغم جور الزمان
في داخل اروحنا حبٍ وشوقٍ يطوف=حبٍ بنته المشاعر شيدت له كيان
تذوب روحي بروحك والمشاعر رهوف=والقلب في داخله صوره ولمسة حنان
بين الحنايا رقص قلبي ودق الدفوف=لاحس طيفك رقص فرحه وجاه الامان
البارحه زارني من لون وجهك طيوف=حسبته الشمس يوم اشرق بنوره وبان
في عيني الشوق يتباهى وقلبي لهوف=لو تغفل العين صاح القلب فيها ودان
رعود في داخلي ما بين رجفه وخوف=فيها الفرح والحزن والهم ساروا سيان
لاهل نورك توارى البدر واصبح كسوف=والورد والفل يتراقص بكل الجنان
سبحان من زينك واعطاك كل الوصوف=عجايب الكون سبعه وانت معها ثمان

مبدع كعادتك ياالهمس وصح لسانك ملايين
وعندك غلطه مطبعيه في اول بيت في كلمة
(تناغم) سجلتها(تنغام)

صح لسانك ملايين ياشاعر زهران
مبدع كعادتك ورائعة من روائعك

سبحان من زينك واعطاك كل الوصوف

عجايب الكون سبعه وانت معها ثمـان

الهمس

مبدع ومتألق شاعر المعنى والذوق العالي

ابيات صيغت بمهاره وحرفه
تقبل مروري
ولك الف تحيه والف شكر

صح لسانك يالهمس قصيده رائعه بروعتك يا ذيبان

صح لسانك يالهمس والله روعه كل بيت احسن من الثاني
تقبل مروري لاهنت

صح لسانك مدد بلا عدد
على هذا الأبداع

موفق اخي الكريم

صح لسانك وسلم بنانك
أخي الفاضل الهمس
كلماتك تضيف للحرف
محلول إبدآعٍ لايسكبُ عنآصره إلا شاعريتك
لاعدمنا بوح قلبك وجديدك الطيب
بارك الله فيك ووفقك لكل خير