بنت حواء ،،، نوره الغامدي

البدع=
وش يقول إحساس شاعر مضطرب قلبه ومنعجب=
إدري إنه من جهة جارالله السيف البريع الشاطر=
يبغي يتخارج ولكن ماصدر عالموت من ورد=
والله لو في قبضته من جنّة الأموال ملك(ن) داسه=
يا الشكوك الأوّله راحت سُدى ،،، مايسقي الشك مان=
الكثيب اللي حوالينه معي له بارق العينيه=
الذي خلّى جبال آشدّ وأقوى منه نسّافات=
وأنا لين الحين ماهبّيت ياجارالله برياحيّه=
والمريض الله بلاه وطاح بين الهمّ والغربال=
الذي روحه تغرغر ودّنا ينطق شهادته=

،،،،

تقول نوره نوينا بالتفاني والإخلاص=
وكل معسور يشكي حاجته والتخصّص=
والبدع والرّد يقضي حاجتي وإختصاصي=
حتى ولو كانت إيديّه عليها تقصّا=
مايرفع الشاعر إلا حكمته والصّه الصّه=



،،،،




الرد=
ودّي أضحك من كلامك ياعجايب لله العجب=
صدّق لو تشرد تراه أفضل ولو ماقالوا إنّك شاطر=
خير من طاري البساس وطاري الفيران بدع رد=
أسمع تغيير الكلتشات وصريخ السّير والكنداسه=
المكينه شرّقت وآشوف دخّانك من الشكْمان=
في محلّ الزينه ماتقدر تغيّر زيت ياعينيّه=
والذي تخبط على شكمانك المحروق نسّافات=
ياجارالله بدّع أبياتك من أقصى القلب برياحيّه=
لكن أعرف بإنّ عين الشمس ماتُحْجَب من الغربال=
واللي يشهد لك ببيت الشعر لاتأخذ شهادته=


،،،،

يا الشيخ جارالله أسمع وأحفظ آيات الإخلاص=
وبعدها أبشر بكادر في نظام التخصّص=
الإنس والجنّ تدري عن مجال إختصاصي=
إن كان ودّك تعلّم لك علوم(ن) تقصّا=
وإن كان ماعندك إلا الخثرقات أصّه أصّه=