من فيض احاسيس ومشاعر (علي السبيه) للمشاركه من الجميع

الحب دمعة شوق تذرف من عيون اهل الغرام=والذكريات اجمل محطات الحياه الخالده
لا غرَد القمري وله توقف له اسراب الحمام=وترتمي الاهات في حضن الليالي البارده
والصمت لا زاد الوله يعزف على اوتار الكلام=والشوق تحضنه المشاعر والخوافق شارده
ياحبي الاول عليه ازكى التحيه والسلام=في صومعة قلبي دواما ذكرياته ساجده
غابت نجومه من سماه وصارت اعيوني صيام=والعمر مابه غير ذكرى للحياه اتسانده
صحيح شرع الحب مابه لا حلال ولا حرام=مسكين من يزداد شوقه والضروف اتعانده
كم للمشاعر من حنيني في وسط قلبي احتدام=والقلب كم ينزف جروح وكم لروحي صامده
ياشوق يامبعد طلوع الفجر من بير الضلام=تآكلت واتقطَعت كل الحبال الفارده
طال المدى والشوق يصرخ والمشاعر في خصام=تعبت وانا اتجنَد اثقال الهوى وآكابده
نام الظلام وطرف عيني مابعد يازين نام=وشلون يغفى والهواجس والهموم اتعاوده
بعيد عن عيني وله في داخل اعماقي مقام=احسَه اقرب من علي واضروفنا متباعده
حتى ولو يقسى وينسى له موده واحترام=اللي تغرَد له شجوني والخيال يطارده

علي السبيه