الى العزيز الغالي ((المبدع))

المشاركة الأصلية كتبت بواسطة شايب العشرين

شرفني يالمبدع بردك اللي يجمل هذا البدع الملكلك كرمآ وليس امرآ طال عمرك=

البدع:شايب العشرين=

بويزن قال لاتضيق ولا تروح ابعيد ياسمحان=
الخطيه يا عساها ماتورد منك والا منا=
والاقدار اتصيب ماترحم ولاتبقي ولاجمل=
وان حصل وان جاك منا شي فمثلك للثقال امقدر=
والثقايل لااحنبت ما ينتقلها الا جمالها=
ياجملنا زوع هدرك منته في باقي العوادي ملزم=
واللذي ايعيبك يرجع منكسر حظه ونادمي=

هلا والله بالغالي أبو يزن .. شرف كبير لي حضوري بمتصفح يكون إسم
أبو يزن متواجد فيه فما بالك وإنت صاحب المكان ... أعتذر عن التأخير
ياغالي والله مادريت عن البدع الا الآن ... وأقبل ردي آهو كما عيش الدجر
على قول أبو طلال الغالي والعزيز ...

الرد : الزيادي*=
***
مرحبا يابو يزن .. وآنا لك الله خاطري سمحان=
وإنت وافي والله الشاهد.. ولا لي فضل والا منّا=
مارماني غير من هو كبّر الزعمه ولا جُمل=
جارك الله ماتجي منك الخطيّه ... غاليٌ ومقدّر=
الوجوه اللي تجمّل ماأدرّق عني جمالها=
وأنا مامدّيت كفّي للجحلّط والعواديم ألزم=
الذي ماهم من آدم .. ينكرون أصلي وأنا آدمي=
***