%% المبدع%%لآهنت %%

الله يهولكم
شغل كاااااايف ...
تحياتي لكم على هذا الشمااات
..
متابعين

المشاركة الأصلية كتبت بواسطة الشامان

ياسلام على الابداع واهله فارس انت اسم الابداع والتوجيه بدون منازع

المبدع اسمك يكفي انت الابداع كله والفن والاتقان الله واكبر عليكم
الصراحه اللي يبي يتلمح ويشبع افكاره يجي هتيه

حبيب البي ابورائد الروعه والابداع حضورك ومتابعتك وصح الله بدنك ولاهنت يالنشمي

المشاركة الأصلية كتبت بواسطة الفقيرالى الله

اسجل اعجابي
ابداع في ابداع

وهذى شرف لنا الله يحفضك ويسلمك ..... فالك التوفيق

المشاركة الأصلية كتبت بواسطة سمّار

الله يهولكم

شغل كاااااايف ...
تحياتي لكم على هذا الشمااات
..

متابعين

هلا ومسهلا بخوي سمّار ... حضورك يشرفنا والف شكر لك ولاهتمامك الثمين

المبدع صح الله لسانك ردود ولاروع وكلامك قشطه .. وانت وابوعلي كلكم على بعضكم

عسل ياعسل. هههههههههههههههههههه

البدع=
..=
يامحمد يازيادي بعت في سوق الذهب وشريت=
التجاره تختلف والبيعه فيها مفرده وجماله=
سلعة المفرد شحيحه مير ماجا للجمال حد=
بيع بالجمله وتلقا خير ماجا من جمالك ثيره=
خل ميلان البخاله لاحسافه لآتهادرن=
..=
تهياء .. وخذ مشوار تجرا .. وعود=
وحاول تصّد ولآتعرض لهامور=
تبي وقفتٌ بين الهوامير وقعود=
فلابد.. من روحٌ وسمحا .. نحيله=

هههههههههه إي والله صدقت أبو علي ونعم .. لو كان ماهوب ونعم ماكان الذبيحه

سدّست من يوم أشتراها وهي ثنيّه في حراكم تجون هههههههههه والله مامعه من معدته حبه هههههههههه

الرد : الزيادي=
**
يافارس في ضاحية هيلا عتيبه .. قلنا وش ريت=
أنا حدّاي الجمال .. وكلٌّ بمنقيّته وجماله=
لاتحسبها رهن شيمة روسها ما للجمال أحد=
وين مامدّيت عينك .. ماتشوف الا جمال كثيره=
ماتنوّخ .. والسماء ترتجّ منها لاتهادرن=
**
تقدّم بذود .. إن كان تجرا .. وعوّد=
وهبلي كما الفصّام .. وأنا له آمور=
وإذا كان ماهلا بضلعان وقعود=
فأنا ودّي أتريّح .. وسمحان أحيله=
**

عليه والله عن ابوعلي وياجعل الله بي وياقطع الله ايدي هههههههههههههههههههه
سدست .. يبشر والله بالعوض ولايهمه مالها الا ثنيه بدالها هههههههههههههههههههه
خذ ذالبدع وتوقع يامحمد توقع

البدع=
..=
والله ماناقلت خطواتي على زله ولآحبيت=
والنظر مانمّد في شهدٌ مع غيري وفي نيحاله=
كاد غيري ينطرح بالدرب ألأعسّر والهوآن .. كد=
الظالم مثل البحّر غدار ... وألبير انتها وبحيره=
والبسيطه برها ماضاق من كثر الهوايجن=
..=
سرى الليل فين أهل التقى والهواجد=
تهجد وصل أبلآ تغطرس ودكتور=
ترى من يصلي جيدٌ .. ونتما .. جود=
وروحه عن أهل المعصيه .. كلليله=

يالبى قلبك

قلبك أخضر ضحكة خنفشـارية يحق لك هههههههه ههههههه هههههه

صح لسانك ملايييييييين يابقعاء ضحكة خنفشـارية

الرد : الزيادي=
**
ماسهرت .. ولا قهرت .. ولا بلي قلبك .. ولاحبيت=
لكن أنا .. الله وكيلك .. من عذاب الحب فيني حاله=
والصبر ظلمة قبر ماتبصر إيدك .. والهوى نكد=
مثل ماتشرق عليّ الشمس وأنا في قلق وبحيره=
ماتغيب ولا يجنّ الليل حتّين الهوى يجن=
**
بمزحه ورزحه لين ذقت الهوى جد=
ولافاد فيني صيدلاني ودكتور=
أنا أتخيّلك حتى ولو ماإنت ماجود=
وهذي تراها حالتي كل ليله=
**

الله واكبر يافارس وش البدع والتوجيه ابداع في ابداع
الزيادي الظاهر فارس مايدري ان الهوى مر عليك وان قلبك اخضر
انا في وجه الله من هذا
الكوارث الصراحه ان هنا بدع ورد مهما قلت فيه ما وفيته حقه
كلام مثل الذهب

المشاركة الأصلية كتبت بواسطة الشامان

الله واكبر يافارس وش البدع والتوجيه ابداع في ابداع
الزيادي الظاهر فارس مايدري ان الهوى مر عليك وان قلبك اخضر
انا في وجه الله من هذا
الكوارث الصراحه ان هنا بدع ورد مهما قلت فيه ما وفيته حقه
كلام مثل الذهب

الابداع في التواجد الغير مستغرب منك يابورائد

وتضل انت العلم والمعلم والاستاذ

نقتدي بمثلك وشرواك لاهنت يالنشمي