رد يا راعي الغنم

راعي الغنم شاعر ونفتخر بوجوده في هذا
المنتدى ولو انه قليل الحضورفي المنتدى
الضاهر انه بخيل
هذا بدع مني ياراعي الغنم وانتضر منك الرد
البدع
بعطيك يارعي الغنم معنى القصايد وانت هيت
ناخذ ونعطي في معاني الشعر وايدً تنجد ايد
بيني وبينك في معانيها توازن واعتدال
لكن ماودي تغيب وتختفي عدة شهور
مدري انتشد عنك الحضر والا انشد اهل الباديه

مررت من هنا لأشكرك ياعلي ونحن في انتظار راعي الغنم

تحياتي لكم

اخي العزيز على السبيه

اشكرك من اعماق قلبي وخاصه على كلمه شاعر

بلعكس انا من متذوقين الشعر فقط وراعي غنم لاكن الله يعين اسمع هذي المحوله بردود وليت كفاني عابر سبيل


الرد

لا غبت يوم(ن) لا تقل رووح زماني وانتهيت
الغايب اسمع حجته يمكن معه علم(ن) جديد
يدوم وجه الله والايام ميله واعتدال
و الحجه الي تثلم السكين والسيف الشهور
والله مجحدها وهي قدام ربي باديه

يالله قوهم وعطهم العافيه


الشاعر : على السبيه

الشاعر : راعى الغنم

صح لسانكم بدع ورد فى قمة الأبداع والموضوعيه

لك خالص التقدير اخي مسفر

وحقيقه اننا نقطه في بحرك بدون مجامله

تقبل تحياتي راعي الغنم

استلم ياراعي الغنم

البدع
اليوم جيت بلا عذر والبارحه عنا جليت
ماودنا ياصاحبي نفرق حديدً من حديد
مادام لانقطع مودات العباد ولا نصال
في النار تلقى الموبقات وتلتقي في الجنه حور
لابارك الله في الذي بين العباد أوشى بيه

حد السيوف المرهفه ما هب كما حد الجليت
ولا خناجر بروزوها في حديدا من حديد
يابو طلال الا شريت اشراء الرهيف امن انصال
ون كان ماعندك ولاسيف(ن)شباء فلج النحور
خذلك بدال السيف سكينه حديدواشابيه




ولكم تحياتي راعي الغنم

استلم البدع يارعي الغنم

البدع
انا حزامي ميزر اصلي كم بديت وكم رميت
وانا ترى صيَاد لي وسط البحر والبر صيد
واقرب محطات الفضاء من غير دش ولا ريال
والاجر عند الله ياحظ الذي ولما الاجور
لملم قصايدك البسيطه ياشويعر ولميه

لملم قصايدك البسيطه ياشويعر ولميه... طيب ياخيه صح لسانك

الشاعران الرائعان
علي السبيّة
راعي الغنم

الله ما اجمل قصائدكم ياحبانيه

بجاه الله عليكم تستمرون على القارعة لاتحرمونا هذا الابداع