يالمبدع الموتر اللي مر حلل مظله

لاهنت يابو حسن على المرور ... شاكرين ومقدرين

صح لسانك يانجم ... والمتصفح هذا مافتح إلا بشق الأنفس

الرد : الزيادي=
**=
من بعد حافز (عيال الناس متحوفزين)=
لكن مصير القراح العذب يرجع سراب=
ياللي قريتم عليه الجاثيه والزمر=
باقي يبيح الدلال إن كنتم امدلّـله=
**=

صح لسانك والحال من بعضه يمكن عشان الحج

واستلم استلم

البدع=
ندري بابو نيه وندري بابو نيتين=
ونعرف الصقر والبومه وطير العقاب=
مادام خير البلد مايوصل المنتظر=
الله يستر علوم العالم مجلله=

الله الله ... صح لسانك ملايين ....

الرد : الزيادي=
**=
ماينْجِح الطبخ (أبو نيّه وأبو نيّتين)=
وكل غلطه يعدّلها الجزاء والعقاب=
المستمع يافلاح أبرك من المنتظر=
من ضايقته النوايف ماأوسع الجلّه له=
**=

صح لسانك واستلم

البدع=
قرن اعرفه يامحمد صار للحاج بين=
لو جيت تاخذ ضحيه كيف والسعر قاب=
والحظ لاشك فالدنيا معا من صبر=
حكمه للقمان بين اهل الحكم منزله=

الله الله ... صح لسانك ولسان لقمان ملاييين ...

الرد : الزيادي=
**=
يابو محمد زماني شيّب الحاجبين=
وأعمى عيوني وأنا شوفي يوسّع رقاب=
لي مِدّه أتجرعم المُرْ وأعصره من صبر=
والشهد عند الذي مقروع عن منزله=
**=

الله الله عليك يابو محمد على هذا البدع الجميل والتوجيه
صح لسانك يالغالي

صح لساك يابو زياد على هذا الرد الجميل والوافي بمعنى الكلمه
الله الله على ابداعك يالمبدع