((باص اعضاء رباع للوناسه والترفيه رحله جماعيه))

أختي الفاضلة لؤلؤة زهران ربي يسعدك دنيا وآخره ، وودي تقولي لي عن المكان اللي بنروح فيه رحلة هل هي منطقة حارة وإلاّ باردة ، فإن كانت حارة فالحمد لله وإن كانت باردة فأنا بعت فروتي جانا كم يوم حر على مدينة الرياض قلنا دخل الحر ورحت وبعت فروتي وانطبق عليّ المثل اللي يقول ( بياع الخبل عباته ) ولازم لي من فروة إلاّ إذا كان أخي الغالي ملك الليل عنده فروة زائدة وبـيعـطـيـنـيها وقت الرحلة وأردها له إذا خلّصت الرحلة فابشروا بي سعد الرفيق سجلوا إسمي أول واحد في الرحلة وإن كان إن ما معه إلاّ فروته في رقبته فمنها لغيرها ، ما عاد فـيّه شدة أروح أسواق حجاب أشتري لي فروة جديدة خلاص قرّب البرد يخلّص .
دمتي في صحة وسعادة وحفظك الباري .