&& صــح النــوم ياللــي يشتكــي منــك كثــر النــوم&&

ووورد

صح النوم ياللي يشتكي منك كثر النوم=خطفت الكرى وعيون مغليك محرومه
حسابه من الدنيا العنا واسمه المحروم=وبعض اصدقاه الشعر والليل ونجومه
تفننت تعذيبه وبعته بليّا سوم=رميته لصالي النار والقيض وسمومه
نسيت الوعد والعهد ونسيت انا لك دوم=تبخّر غلاك ونظرة الود معدومه
سنين الشقا ياكثرها والفرح كم يوم=وغدر الزمان أكثر على قلبي سهومه
لو أموت ماحد نال من سدي المكتوم=ولا فيه من يآخذ من الصدر معلومه
تربيت في ديرة مبادي عرب وسلوم=ولا خير في الرجال إلى ضيّع سلومه
يعيش الصقر وحده ولا يختلط برخوم=والى رفرف الجنحان ماطارت رخومه
لو إن الحكايه حرب والقوم ضد القوم=من العام كانت منتهيه ومحسومه
لكن البلا من صاحبي والقدر محتوم=والاقدار مكتوبه علينا ومحتومه

يعيش الصقر وحده ولا يختلط برخـوم
والى رفرف الجنحان ماطارت رخومـه


صح لسانك وبدنك ياسيد الابداع

سنـيـن الشـقـا ياكثـرهـا والـفـرح كــم يــوم

وغدر الزمـان أكثـر علـى قلبـي سهومـه

عشان كذا يقولون إذا كثرت همومك فـ ارقد.

مبدع وجميل دائما

صح لسانك وعلا شانك ودام لنا حبر قلمك ونبض قلبك

تحياتي

ابن الجنوب
شاعر الابيات الجزله صح لسانك وسلمت يداك