"أهل الحطب" بواسطة: أبو تركي

أبوتركي يطلب الرد من الشاعر علي السبية أو صقر الجنوب مع أحترامي للشعراء جميعا......






يقل محمد لقيت أهل الحطب يوقدوالنار
ما تبصر إلا دواخن نارهم مشمعله
نشدت جيرانهم وش عند ذولا يشبون
قالوا انتشدهم ترانا من الدواخن عمينا
ماعندهم غير شبان الحطب والفتن شب
قلوبهم سود فيها الظلم والمكرهيه

صح لسانك ياابوتركي وبما ان اسم صقرالجنوب ورد
فهذ المؤسس والعين ماتعلى على الحاجب انا اقول
يرد عليك صقرالجنوب

تدري ياابوتركي انا باارد على القصيده وانا
اتشرف بردي على شاعر بحجم ابوتركي
طبعا بعد اذن المؤسس صقرالجنوب لايزيد
يزعل عليه ويشوتني من المنتدى

الرد=
القلب ساب المشاكل والفتن وابتعد نار=
يامحسن الفرق الى ضلا العسل مشمعلًه=
يتقدم العمر والشيبان ماعد يشبون=
يالله لك الحمد عدنا كلنا منعمينا=
لاتعترض للدروب اللي خطيره فتنشب=
ولا تهيي لنا الغلاّت والمكر هيه=

أبو تركي الله يحييك تراحيب السيل وشكرا لك على هذه الثقة وانا وجميع الشعار نتشرف بالرد على شاعر رباع المبدع دائما وتربطني بك صداقة وأخوة ..
وقصيدتك اكثر من رائعة يابو تركي وبما اننا نتمنى ان تستمر قارعة بينكم لذا فنتشرف جميعا ان يكون شاعرنا الكبير علي السبية هو من يرد عليك ويواصل القارعة معك إذا أذنتم جميعا ونحن سنكون سعداء بهذا الابداع والتالق بين شاعرين كبيرين مثل ابو تركي وابو طلال ..
ابو طلال ماشاء الله عليك مبدع كما هو المعتاد رد رائع بروعة البدع

استمروا في القارعة بارك الله فيكم
وسنكون جميعا مشجعين ومستمتعين

الله يسلمك ويغليك ياابواحمد ومشكور على اطرائك الجميل
ولي ولاعندي الا بعض ماعندكم ن الابداع وابوتركي شاعر
كبير وفخر لكل من يقصد معه اما باالنسبه للقارعه فهذا من
دواعي سروري واتشرف بقصايدي مع ابوتركي

طيب طيب ياحبانيه ..أ سمحو لي ولو فيها تدخل غير مرغوب فيه لكن بدع على قارعتكم خطر على بالي ولاعد أتعودها

البدع

أي بعض الامراض تعجز طب شعبي وتختـار
لــــو صابت العود هدت قوتـــه وابتهلــــــــه
متـــى بعد يعرفون اسبابهـــا اللي يحبـــــــون
من يقرب العفــــو غير الله ومـــــن الضمينــا
إلا كتب لك عمر لو طحت من راس الانصب
ينجيك سبحانه ادرى بك من الفــــي صحيـــه

استمرو في القارعه ياابن الجنوب انت وابوتركي
وانا باارد عليكم واكيد راح تكون قارعه مختلفه

الرد=
ان شفت الاسواق قبلك طب شعبي وتختار=
كم دارج(ن)مر هدت قوته وابتهل له=
ما سبّها من ركض واسبابها اللي يحبون=
تبصر دكاكينها مصفوفه ومنضمينا=
وشترجي ياالكرم لو طحت من راس الانصب=
ادراك ماالبكم وادرى بك من الفيصحيه=

سلام يلي لهم عندي معزة ومقدار
مايشكي الزحمه منهو مثلكم لابتله
أنتم على المدح عن جمع الخلايق تبدون
أقولها غيب وإلا أقولها لا بدينا
كلام من راس أبو تركي برشده تعصب
سيرو بنا في الطريق الهيل واسعو سعيه

مع التحيه للشاعر علي السبيه والشاعر ابن الجنوب

بيض الله وجوهكم ياشعار وسعدنا بإنضمام شاعرنا الكبير محمد بن عطية وقريبا سيكون هناك مفاجأة سيتم إضافتها فديو لابوتركي شريط فديو قديم على طرق اللعب .. فانتظرونا

صحت السنتكم ويعطيكم العافيه