من يرد

القلب يا روح يعشق من يحبه وله داب=
لا شاف خله تقول ان القمر والجدي له=
وايهل دمع العيون ايلا سرح في ضنونه=
يغدي كما السيل فوق السفح يروي خدوده=
ياروح هذا فوادي كان يرضيك حاله=

شاعري الهمس عندي رد متواضع لقصيدتك الرائعه واذا لم تناسب فانا طالب اتعلم منك

الرد/ هاوي=
سبحان من جمله بحجاب عينه والاهداب=
والشَعر سبحان من حطه جديله جديله=
والليل الاسود حقد من شدة اسوادنونه=
والورد لو مازرع يكفيك شوفة خدوده=
والعين ربي مجملها بليا كحا له=

صحت السنتكم والله يعطيكم العافية

بدع للهمس

يا اصحابنا ليتني باطرد حبيبي والح باب=
واعيش في بيتنا من غير قلب وحب له=
عسى زمان سقاني المر يسلى بدونه=
والنهل ما كل وارد له بيهنا وروده=
مقطوع فيه الرجا لا صار ضامي بجاله=

المشاركة الأصلية كتبت بواسطة فهد بن دماس

بدع للهمس

يا اصحابنا ليتني باطرد حبيبي والح باب=
واعيش في بيتنا من غير قلب وحب له=
عسى زمان سقاني المر يسلى بدونه=
والنهل ما كل وارد له بيهنا وروده=
مقطوع فيه الرجا لا صار ضامي بجاله=

رد لفهد بن دماس=
الحظ لا عاند اهل العشق يا صبر الاحباب=
الله ما قسى من ايامه ويا طول حبله=
واهل الهوى يعشقون الحب وايكابدونه=
وشوكة الحب تجرح من تمنى وروده=
تستاهل الشوك يالي قالوا الحب جاله=

...................
...................

هاوي الشعر
صح لسانك وعلا شانك
ردك رد محترف
ابدعت ولا قصرت رد محكم

بن سلمان اسعدني مرورك وتواجدك
وشرف لنا جميعا
تقبل تحياتي

الحظ لا عاند اهل العشق يا صبر الاحباب

الله الله ـ سلمتم يا شعراءنا المميزين وبارك الله فيكم

صحت السنتكم يا النشاما ابداع في ابداع

الامبراطور بن دماس وشاعرنا الهمس لا زلنا ننتظر الابداع
في هذه القارعه