يا لبيه .. يا عيوني .. هلا يا هـلا

سيداتي سادتي
هذه مجرد هرطقه
و لا ضير إن شرفتموني ب قراءة هذا الحوار

خالد.... يا لبيه يا عيونه هلا يا هلا=تحبني ؟ لا.. كأن السالفه مهزله
إلا كأني اصبتك بس في مقتلا=لا وين رحتي ترى ماهي كذا المسأله
يمكن سؤالك بهذا الوقت مبني على =تقصير ! معقول ... لا بذات ه المرحله
من جد خالد.... أحبك و الخفوق امتلا=واعذب محبه شربها القلب من منهله
لا بختصر لك جوابي بس فيما تلا=حبك هو الحب الأول وانتي الأوله
حبك ترعر سموه فوق رمش الغلا=كل النسا تعرفه من هيبته تجهله
حبي لك الأصدق إلا حبي الأمثلا=مثل مثل لا مثل لا لا كثير أمثله
لا لا و لا عرق من حبك بجسمي خلا=ساكن و كل الأماكن داخلي منزله
سهر و دورت عقارب ساعتي للولا=عكس اتجاه النسا وانتي لي البوصله
لا لا سؤالك اكيد أنه سوالف سلا=حفله و ناس و صبايا ليلها صهلله
خالد و يتناثر اسمي من شفاهك حلا=واجمع بنار السلام اسمي و ارد اشعله
خلًود... يا عقاب وانا ابوك هذا البلا=من حبها طفل محتاج انها اتدلله
خالد تحبني... أقولك مرحبا مسهلا=واهز راسي كذا قولي وش المشكله
المشكله أجمل الغزلان ترعى الفلا=والصيد بعض الشهور الشارع امحلله
من الحجاز و مصر من نجد من كربلا=قل من هي اللي تشابهني جمال او وله
تشبهك لا هي و لا هاذي ولا ذي و لا=و لا و لا ذيك فكيني من الأسئله
يا بنت حبك على غيم الهيام اعتلا=سلمتك السجن و التيجان و السلسله
س*** بعدك خفوقي في لظاها اصطلا=و جنة الوصل أشم أزهارها مذهله
ما حد يشابهك بعيوني فداك الغلا=قصة حياتي بدونك ما لها تكمله

خالد بن جلسه

الله الله
ابيات قمة الروعه اعجبتني جدا
صح لسانك وعلا شانك
ولا تحرمنا من جمال كلماتك وبوح قلبك وقلمك
الف شكر والف تحيه

صح السانك ملايين

مبدع بكل ماتعنيه الكلمه ياخالد وصح لسانك مدد بلا عدد

يا سلام يا شاعرنا
أبدعت وأمتعت ..
صح لسانك ولاهنت ..
تحيتي وتقديري،

ابداع متواصل وغير مستغرب
وكل عام وانتم بخير