ليلة البارح عصتني عساها ما تعود

السلام عليكم ورحمة الله وبركاته

اخواني وأساتذتي في الشعر حبيت أشارككم في هذي القصيدة من بدع ورد

وقصتها إني انغلبت البارح في البلوت أكثر من مره واللي غلبني

سار يتهزا ويرسل رسايل عالجوال فقمت وارسلت له هذي القصيدة

البدع:-
ليلة البارح عصتني عساها ماتعود#

وانا كنت اصارع القوم واقود الصفوف#

حظي المعثور ما أدري متى وده يقوم#

يازماني ليش ضحكت فينا الشامتين#

ليش نقضت المواضيع وارسلت الرسايل#

وانا قلبي قد نسي الفتن واقفى لها#

الرد:-

بعد زرع المزرعة عاش عود ومات عود#

لو وصفنا اللي بها ما تكفينا الوصوف#

والذي خلقه ربي عوج ما عاد يقوم#

وأنا جبت بذرة الفول ومن الشام تين#

وسقيت أشجارنا من ماي سايل#

ثم جا من يسرق المزرعة وأقفالها#

حبيت أشارككم بها وإذا فيه نقد فمنكم نستفيد فكما سبق وقلت أنتم اساتذتي وسلامتكم ...

صح لسانك اخي الكريم

ويوم لك ويوم عليك < لا تزعل

صح ابدنك وعلا شانك

وشرفني مرورك وزي ماقلت يوم لك ويوم عليك

تعرف وقتها وخلاص بس لازم يكون لك مدخل للقصيدة