تـــبـــي الصــراحه!!وش تبــي بالصراحه!!

تبي الصراحه وش تبي بالصراحه
ترى الصراحه قاسيه هم وازعاج
علقتني مثل الذي وسط ساحه
يترقَّب اعدامه أو يجيه مفراج
وين العهود السابقه والسماحه
ما اشوف منّك غير تبرير واحراج
رجّعت لي ليل الألم معْ جراحه
وخليت دمع العين كالغيث ثجاج
غادر حنانك واستقال بصراحه
ورميتني تحت المآسي والامواج
قلبي يحبك ليه تطلق سراحه
وتقول له شكراً وما عاد نحتاج
وين الغرام ولهفته واجتياحه
وين الغلا اللي شيد لقدري ابراج
داويت قلبك طاب كسر بجناحه
وطار لهوى غيري وما عاد الادراج
تعال شوف القلب كيف استباحه
غيابك اللي سالبه طعم الابهاج
تعال أوقد في حشاي انشراحه
تعال قربك ياالغلا نور وهاج
ماكان حبي غصْب شاهر سلاحه
ماكان حبي فلم وابطال واخراج
يمكن تظن الحب لهو وسياحه
والا تظنه بيت من غير إيلاج
قلبي غريق ومايجيد السباحه
غريق حبك وانت له نبض وعلاج
مما طاب لي واعجبني

آمير الكونـ