مايفــلّ الحـديـد الصلب غير الحـديد >> جديدي

الله يا نوم ليلي ما عاد انا اهتـــــــنيــك
كلها من سبايب مـن تـركني وحيـــــــــد

انت مضـــــمون حبي وبحياتي اشتريك
والـرسايل ملت صــندوق ساعي البريد

كنت لا جيت عندي المشـــــــاعر تجيك
و اما لا رحت عني عشت كني فقـــــيد

واليوم لاجيت ولارحت ما عاد ابيــــــك
مـا عاد اهتم لقــربك مني ولا بعــــــيــد

والله ما اذل نفـسي واتعـــــنـّا و اجيـــك
ولاّ بخضع لحبــــك ترى راسي عنيـــد

انا مـن علقـك في الحـب غصبن عليك
و انا من يبعـــدك عنـّه حسب ما أريـد

كنت احـــسّب سعادة دنيـتي في يديـك
و الله اللي كتبني يا شقــــــي يا سعيـد

مدري انتي رضيتي القلب ولا رضيك
و أنا بنصحك يا قلبي و اكرر و اعيـد

و شتبي مـن حياة ن بختـها ما يبيـك
خصوص لاكان ينقص حظها ما يزيد

و انا ضيّعت عمري بين هذي و ذيك
يغـمر العيد حزني صار ما هو بعيـد

لا سامح الله خفوقن بعد ذا يرتجيـك
ولا بـارك الله بخاطـر طيبته ما تفيـد

قلبي اختــارك انتي ثم تنـدمت فـيـك
اتجرع مرار الجرح جوف الــــوريد

كم نثرْت المحـبه في يدك و احتويك
و عنـــادك خـلاّني للمحــبه طـــــريد

دام راسـك معــانـــد عــزتي تبــديك
مايفــلّ الحـديـد الصلب غير الحـديد

مثل مــانا بديـتك لازم انــي انتهيـك
واطوي صفحة زمانك وابتدي من جديد